Анфиногенов, Богдан Витальевич
| Богдан Витальевич Анфиногенов | |
| Ужан удысэз: |
кылбурчи но кырӟась |
|---|---|
| Вордӥськем нуналыз: |
8-тӥ гудырикошконэ 1990 (34 арес) |
| Вордӥськем интыез: |
Пичи Пурга черкогурт, Пичи Пурга ёрос, УАССР, СССР |
| Кун: | |
Богдан Витальевич Анфиногенов — удмурт кылбурчи но кырӟась.
Вордӥськиз 8-тӥ гудырикошконэ 1990-тӥ арын Пичи Пурга ёросысь Пичи Пурга черкогуртын. Пичи Пурга черкогуртысь 1-тӥ номеро школаез йылпумъяз, нош 2012-тӥ арын Удмурт кун университетысь исторической факультэтэз. Богдан университетын специализация басьтӥз этнология но регионоведение кафедраын. Андрей Николаевич Прокопьевлэн кивалтэмез улсын чаклаз удмурт этнофутуризмлэсь азинскемзэ. 2012-тӥ арын Богдан Анфиногенов вылӥ дунъетэн утиз выпускной квалификационной ужзэ «Этнофутуризм и удмуртская культура в ХХI в.» темая. 2016-тӥ арын УИИЯЛлэн аспирантуразэ йылпумъяз. Богдан мыло-кыдо пыриськылӥз факультетазы ортчылӥсь научно-практической конференциосы. Этнофутуризмлы сӥзем статьяосыз пӧртэм научной журналъёсын потылӥзы.
2017-тӥ арысен ужа Калыкъёслэн Эшъяськон юртазы. Пыриське пӧртэм удмуртлыкен герӟаськем ужрадъёсы. «Шунды» оргазеяськонлэн ёзчиез луэ. Ӧнерчи луыса ужа «Шундыкар» лыгерьын «Литература» отрядын, «Amiso Wott» группалэн ёзчиез вал . Кырӟан проектъёсыз: Ullapala Boy, удмурт хип-хоп проект «Мурӝол Underground», озьы ик ужа Эктоника проектэн валче, со сяна «Малыми» группаын вокалист вал.
Вотэсын трос огинъёсты нуэ: «Удмурт кылбурчиын» гожъяськисьёслэсь кылбуръёссэс бича, «МTV Udmurtia» огиназ пӧртэм удмурт видео люка.
Школаын дышетскыкуз уг вала вал удмурт кыллэсь кулэлыксэ, нош Удмурт университетэ дышетскыны пырем бераз валаз солэсь дунзэ, соин ик ачиз дышетӥз удмурт кылэз. Тросэз кылбуръёсыз сӥземын вордӥскем палъёсызлы. Кылбура Богдан Маяковскийлэсь адӟем карыса. Кылбуръёсыз солэн кытчы ке ӧтисесь, яркытэсь, зол чузъяськисесь. 2007-тӥ — 2008-тӥ аръёсысь кылбуръёсын валтӥсь темаос — нылмуртэз яратон но калыкез гажан — бус пыр адӟисько гинэ ай, нош 2009-тӥ — 2014-тӥ аръёсы гожтэмъёсаз соос кылбурчилэн аслыз гинэ тупась манереныз яркыт усьтӥсько ини.
2014-тӥ арын потиз нырысетӥ бичетэз — «Айшет будущего». Татчы пыртэмын кылбуръёс но поэмаос. Богданлэн Книгалэн вылтусыз — со ачиз арт-арбери: пичигес зӧк квадрат выллем, вылбамаз Дарали Лелилэн «Удмурт ковёр» нимо тодмо стрит-артэз вылэ футуристической шрифтэн гожтэмын «Айшет будущего».
Емышъёс
[Тупатыны | бамлэсь кодзэ тупатоно]Премиосыз
[Тупатыны | бамлэсь кодзэ тупатоно]- 2019 ар — Удмурт Республикалэн Тӧроезлэн «Признание» премиез.
- 2015 ар — Финляндиысь М. А. Кастрен нимо общество литературая премилэн лауреатэз.
- 2011 ар — «Грифон» галереяын ортчем «Кузебай Гердъя лыдӟонъёсын» кыкетӥ инты.
- 2010 ар — «Приговские чтения» конкурсын вормисе потӥз.
- 2009 ар — Эрик Батуевлы сӥзем «Арт-Э» фестивальын вормись.
- 2009 ар — «Рифма» фестивальын приз зрительских симпатий.
Чӧлсконъёс
[Тупатыны | бамлэсь кодзэ тупатоно]- Анфиногенов Богдан vorshud.unatlib.ru