Булгаков, Михаил Афанасьевич

Михаи́л Афана́сьевич Булга́ков – нимо-дано ӟуч писатель (прозаик, драматург). Вордскиз 1891-тӥ арын Киевын. Кулӥз 1940 аре Мускоын.

Эмъян удысын ужамез

Дышетскиз Киевысь университетлэн медицинской факультетаз, кӧня ке дыр ӵоже эмъясь луыса ужаз но.

Литература удысын ужамез

1921 аре Москвае кошкиз. Гожъяз веросъёс, эссеос,повестьёс, пьесаос, романъёс.Солэн стилез – мистической, философско-фантастической, сатирической, иронической но лирической. Самой тодмо но бадӟым романэз – «Мастер но Маргарита».

Булгаковлэн творчествоез Россиын

Россиын туж тодмо луэ «Пуны сюлэм» повестьлэн экранизациез («Ленфильм», 1988, режиссёр Владимир Бортко, профессор Преображенскилэн роляз – Евгений Евстигнеев).

Булгаковлэн творчествоез Удмуртиын

Солэн гожтэмъёсызъя Удмуртиысь театръёсын но спектакльёс пуктэмын вал: «Зойкалэн патерез» пьесаезъя пуктэм таӵе нимо ик спектакль Ижысь Короленко нимо кун драмая ӟуч театрын туж популярной луиз (премьера шудэмын 8 октябре 2004 аре, Зойкалэсь рользэ быдэстӥз Ольга Слободчикова, Аметистовлэсь рользэ – Иван Слободчиков). Озьы ик, Ижысь театралъёслы Булгаковлэн творчествоез Мускоысь лыктэм артистъёслэн шудэмзыя но тодмо: 11 апреле 2005 аре Ижын «Аксион» нимо культурая центрын «Мастер но Маргарита» нимо спектакльзэс возьматӥз «Театр на Юго-Западелэн» труппаез.

Удмурт кылэ Булгаковлэн произведениосыз берыктэмын öвöл на.