Кузебай Герд

Кузебай Герд
	Кузебай Герд
Вордӥськыкуз сётэм нымыз:	Кузьма Павлович Чайников
Ужан удысэз:	кылбурчи[d], журналист[d], драматург[d], драматург-режиссёр[d] но берыктӥсь[d]
Вордӥськем нуналыз:	2‑тӥ (14-тӥ) толшоре 1898 или 1898
Вордӥськем интыез:	Покчивуко, Малмыж утем, Ватка губерния, Российской империя[d]
Кун:	Российской империя[d]; СССР
Кулон нуналыз:	1-тӥ шуркынмонэ 1937 или 1937
Кулон интыез:	Сандармох[d], Повенецкое городское поселение[d], Медвежьегорский район[d], Карельская Автономная Советская Социалистическая Республика[d], РСФСР, СССР
	Кузебай Герд Викискладын

Кузебай Герд (зэмос нимыз Кузьма́ Па́влович Ча́йников) — удмурт кылбурчи, фольклорист но этнограф.

Вордскемын 2-тӥ (14-тӥ) толшоре 1898-тӥ арын туала Вавож ёросысь Покчивуко гуртын. 1912—1916-тӥ аръёсы дышетскиз дышетӥсьёсты дасянъя Кукаркаысь семинариын дышетскиз. 1916—1918-тӥ аръёсы кивалтӥз Бадӟым Учаысь кык классъем школаен кивалтӥз, берлогес — Малмыж уонолэн удмурт ёзэтэныз. Озьы ик Герд удмурт школаос но Выль Мултанысь педтехникум кылдытӥз, нырысетӥ удмурт нылпи юртъёс усьтыны юрттӥз. 1920-тӥ арын К.Гердлэн кивалтэмэз улсын «Муш» нылпи журнал потыны кутскиз.

1922-1925-тӥ аръёсы дышетскиз Литературно-художественной Вылӥ институтын дышетскиз, 1926-1929-тӥ аръёсы тодон-валан люка аспирантураын. Татын со матысь тодматскиз но эшъяськиз А. Луначарскиен, Д. Фурмановен, С. Есенинэн, В. Маяковскиен но трос мукет адямиосын.

1923-тӥ арын, Герд кичӧлтэмъя, удмурт калыклэн культураезлы сӥзем «Бӧляк» огазеяськон, нош 1926-тӥ арын — удмурт гожъяськисьёслэн нырысетӥ ВУАРП огазеяськонзы.

Гердэз СОФИНлэн (Финн выжыысь калыкъёсты мозмытон союзлэн) ужезъя янгыше уськытӥзы, 1932-тӥ арын пытсэт сьӧры келязы. 1-тӥ шуркынмонэ 1937-тӥ арын туала Карелиысь Медвежьегорск ёросысь Сандормох гурт вӧзын ыбемын вал. 1958-тӥ арын тодосчилэсь ӟеч нимзэ берыктӥзы. К. Герд удмурт но ӟуч кылын гожъяськиз. Удмурт калык кырӟанъёс но выжыкылъёс трослы творчествозэ азинтыны юрттӥзы. Улэп дыръяз «Крезьчи» (1922), «Сяськаяськись музъем» (1927), «Лёгетъёс» (1931) кылбур бичетъёсыз потӥзы.

Герд — удмурт нылпи литературалэсь инъетсэ кылдытӥсь луиз. Покчи классъёсын дышетскисьёслы «Шуныт зор» (1924), «Выль сюрес» (1929), «Арифметика» (1925) учебникъёс дасяз но поттӥз. Со сяна, Кузебай Герд — фольклорлы, этнографилы, кыллы но литературалы сӥзем 100-лэсь уно статьяослэн авторзы луэ. Аспирантураын дышетскыкуз, со «Удмуртская загадка» но «Родильные обряды и восточнофинская колыбель» диссертациоссэ (утемын ӧвӧл) дасяз.

Озьы ик учке

Кузебай Герд нимо гимназия

Чӧлсконъёс

↑ ^1,0 ^1,1 Люди и судьбы. Биобиблиографический словарь востоковедов - жертв политического террора в советский период (1917-1991) — СПб.: Петербургское Востоковедение, 2013. — 496 с. — ISBN 978-5-85803-225-0
<a href="https://wikidata.org/wiki/Track:Q17982241"></a><a href="https://wikidata.org/wiki/Track:Q17982386"></a>

[<span_class="wikidata_cite_citetype_Q3331189_citetype_Q79244545"_data-entity-id="Q17982241">[https://bessmertnybarak.ru/books/repressirovanny_vostokovedi/page-1/_Люди_и_судьбы._Биобиблиографический_словарь_востоковедов_-_жертв_политического_террора_в_советский_период_(1917-1991)]<span_class="wef_low_priority_links">_—_<span_title="Санкт-Петербург"_style="border-bottom:_1px_dotted;_cursor:_help;_white-space:_nowrap">СПб.</span>:_[[:ru:Петербургское_востоковедение|Петербургское_Востоковедение]],_2013._—_496&nbsp;с._—_ISBN_978-5-85803-225-0</span></span><div_style="display:none"><a_href="https://wikidata.org/wiki/Track:Q17982241"></a><a_href="https://wikidata.org/wiki/Track:Q17982386"></a></div>-1] 1,0 ^1,1 Люди и судьбы. Биобиблиографический словарь востоковедов - жертв политического террора в советский период (1917-1991) — СПб.: Петербургское Востоковедение, 2013. — 496 с. — ISBN 978-5-85803-225-0
<a href="https://wikidata.org/wiki/Track:Q17982241"></a><a href="https://wikidata.org/wiki/Track:Q17982386"></a>

[1]