Россиысь коммунистической рабочей партия

Википедиысь материал
Партилэн эмблемаез

Россиысь коммунистической рабочей партия КПСС-лэн составаз (РКРП-КПСС)Россиысь политической партия.

Партилэн ёзэсъёсыз — «Трудовая Россия» но «Мысль» газетъёс, «Советский Союз» журнал. Партилэн кивалтӥсез — Виктор Аркадьевич Тюлькин.

Историез[Тупатыны | бамлэсь кодзэ тупатоно]

Россиысь коммунистической рабочей партия (РКРП) 23-тӥ шуркынмонэ 1991-тӥ арын кылдытэмын вал. Солэн нырысетӥ съездэз ортчиз 23—24-тӥ шуркынмонэ 1991-тӥ арын Свердловск карын но вань улосъёсысь 525 делегатэз люказ. Съезд программной ивортонэз кутӥз, 85 адямиез Центральной Комитетэ (ЦК) бырйиз. ЦК-е пыризы В. Тюлькин, А. Сергеев, Михаил Попов, Виктор Анпилов, Юрий Терентьев, Альберт Макашов, Теймураз Авалиани, Ричард Косолапов, А. Золотов, Юрий Слободкин (Россиысь калык депутат) но мукетыз.

14-тӥ толсуре 1991-тӥ арын Коммунистъёслэн Россиысь партизы (РПК) кылдытӥськиз.

Оштолэзе 2001-тӥ арын РКРП но РПК огазеяськизы одӥг партие. Солэн нимыз луиз РКРП-РПК, Россиысь коммунистической рабочей партия — Коммунистъёслэн революционной партизы.

Куартолэзе 2007-тӥ арын Вылӥ суд партиез формально ликвидировать карыны судъяз ёзчиослэн тырмонтэм лыденызы сэрен.

20112012-тӥ аръёсын РКРП-РПК пыриз О. С. Шенинлэн КПСС-эзлэн составаз Россиысь республиканской компартия кадь. Соин ик РКРП-РПК-лэн VIII-тӥ съездаз партия нимзэ воштӥз но луиз «Россиысь коммунистической рабочей партия КПСС-лэн составаз».

Идеологиез[Тупатыны | бамлэсь кодзэ тупатоно]

Партилэн идеологиез луэ «ортодоксальной» (революционной) марксизм-ленинизм. Мукет сямен вераса социализм пролетарской революциен гинэ юнматскыны быгатэ шуыса, партия лыдъя. Партия меӵак нюръяське котькыӵе реформизмен но оппортунизмен Россиысь но дуннеысь коммунистической движениын. КПРФ уг луы зэмос коммунистической партия шуыса, РКРП лыдъя.

Кивалтӥсьёсыз[Тупатыны | бамлэсь кодзэ тупатоно]

РКРП-КПСС-лэн кивалтӥсь ёзэсэз луэ Центральной Комитет. Со бырйиськылэ съездын. Центральной Комитет солэсь секретарьёссэ но Политсоветсэ бырйылэ.

Центральной Комитет[Тупатыны | бамлэсь кодзэ тупатоно]

  • Тюлькин Виктор Аркадьевич — РКРП-КПСС-лэн ЦК-езлэн Первой секретарез.
  • Черепанов Александр Киприянович (вордӥськиз 1950-тӥ аре) — ЦК-лэн организационно-партийной ужанъя секретарез.
  • Терентьев Юрий Григорьевич (вордӥськиз 1941-тӥ аре) — ЦК-лэн идеологияя секретарез.
  • Соловьёв Олег Николаевич — ЦК-лэн рабочей движениен ужанъя секретарез.
  • Туруло Валерий Николаевич — ЦК-лэн пумитаськонъёсын ужанъя секретарез.
  • Батов Александр Сергеевич — ЦК-лэн егитъёсын ужанъя секретарез.

Чӧлсконъёс[Тупатыны | бамлэсь кодзэ тупатоно]