Сегед

Википедиысь материал

Се́гед — лымшор Венгриысь кар, Чонград меделэн центрез. Интыяськемын Тиса шур дуре. Быдӟалаезъя Венгриын со куинетӥез, улӥсьёсыз 161 921 адями.

История[Тупатыны | бамлэсь кодзэ тупатоно]

Сегедлэн самой вашкала юртэз — карлэн тужгес бадӟым черк вӧзын сылӥсь Деметер колокольня. Азьвыл со колокольня святой Деметерлы сӥзем черклэн люкетэз вал, нош 1879 аре луэм бадӟым тудвуэн сэрен та черк куашказ (карысь ваньмыз сямен мукет юртъёс выллем ик). Малпало, со колокольня возиське XII даурысен (XIX аре со выльдытэмын вал). Со сяна, тудвуэз чиданы быгатӥз Альшоварош (Alsóváros, кылысь кылэ берыктыса, Улын кар) кварталысь францисканъёслэн черксы гинэ (XV даур, бер готика стиль).

1540 арысен Сегед — турокъёс ки улын. Соку отын мечетьёс но вал. 1686 арысен — Габсбургъёс ки улын. 1918 арысен — Венгриын.

Карлэн шораз сылэ Кафедральной собор. Сое лэсьтыны кутскизы 1913 аре, озьы ке но, Нырысетӥ дунне ож кутскемен лэсьтӥськонэз куспетӥ кариллям. Йылаз-пумаз со вуттэмын вал 1930-тӥ аръёсы.

Эшкаръёс[Тупатыны | бамлэсь кодзэ тупатоно]

Галерея[Тупатыны | бамлэсь кодзэ тупатоно]