Узы-Боры (фильм)

Узы-Боры
Жанр	Романтической комедия
Режиссёр	Петр Палган
Сценариез малпась	Darali Leli
Валтӥсь геройёс	Лена Фролова, Костя Никитин, Ирина Крестьянинова, Леонид Гусев, Галина Волкова, Юрий Ерошкин, Роман Болтачев, Сергей Наговицын
Оператор	Доминик Палган
Кинокомпания	Inwis kinopottonni
Кыстӥськем	95 мин
Шаер
Кыл	Удмурт
Ар	2011
IMDb	[[IMDbTitle:Шаблон:Str right|ID Шаблон:Str right]]
Выход фильма «{{{РусНаз}}}»

«Узы-Боры» (англ. Uzý-Borý, Berry-Strawberry, ӟуч Узы-Боры, Земляника-Клубника) — удмурт егитъёслы нырысетӥез комедия. Фильмлэн радъясьёсыз но уксёен юрттӥсьёсыз поляк пияшъёс Петр но Доминик Палганъёс.

Историез

Кино пуктыны малпанзэ Польшаысь вуэм Петр Палган усьтӥз, со ик вал кинолэн продюсерез. Сценарий солы Дарали Лели гожтӥз. «Узы-борыез» лэсьтонэ пыриськизы трос удмурт егитъёс. Удмуртъёсын артэ ужазы поляк продюсер – ачиз Петр Палган но Англиын дышетскись Доминик Палган. Со быдэстӥз операторлэсь ужзэ. Эшшо одӥг поляк эшсы Варшаваын быдэс киноез монтировать кариз.

«Узы-борыез» лэсьтыку, Петыр нырысетӥзэ продюсер луыса тыршиз, Дарали нырысетӥзэ сыче баӟдым сценарий гожтиз, Лена Фролова (Виктория Ядыгарова), Костя Никитин (Максим Гондырев), Коля Смирнов (Максимлэн эшез), Ирина Зангарик (Дыды), Максим Князев (Алмаз) но трос мукет удмурт егитъёс нырысетӥзэ киноын шудӥзы. Соос тыршизы узырмытыны асьме историмес, возьматӥзы анай кылмылэсь, вордскем музъеммылэсь чеберлыксэ. Нырысетӥез, тужгес секытэз, вамыш лэсьтэмын.

«Узы-боры» кинолэн премьераез Ижкарысь «Дружба» кинотеатрын 17-тӥ южтолэзе ортчиз. Билетъёс 2 нунал куспын вузаса быдтэмын вал.

Пуштросэз

Гондыргуртысь Максим синмаське шоркарысь кизилилы, Ядыгарова Викториялы. Радио пыр кырӟанъёссэ кылзыса, со уй клубе мыноно кариське. Отын тодматскыны турттэ, но гуртысь пияшлы люкетэ чеберай кырӟасьлэн узыр бигер туганэз. Максимлэн Дыды сузэрез но дедушез сое утьыны выро: армиысь бертэм Митреен но мукет пияшъёсын ӵош соос Викалэсь продюсерзэ утчаны кошко. Кызьы но озьы йӧно кизили но йӧспӧртэм Роберт вуо Гондыргуртэ. Отын соосты витё гурт улонлэн саламъёсыз...

Радъясьёс

Туспуктон группа

• Режиссёр, продюсер: Петр Палган
• Сценарист но крезьгур тупатъясь: Darali Leli
• Режиссерлэн кивоштӥсез: Даша Яшина
• Туспуктӥсь: Доминик Палган
• Монтаж: Войтек Каневски
• Туспуктӥсьлэн юрттӥсьёсыз: Юрий Зелёненький, Олег Кропачев
• Дӥськут суредась: Polina Kubista
• Куарая режиссёр: Алексей Анкудинов

Шудӥсь муртъёс

• Костя Никитин — Максим
• Лена Фролова — кырӟась Виктория Ядыгарова
• Ирина Крестьянинова — Максимлен сузэрез, Дыды
• Леонид Гусев — Максимлен пересь атаез, Дедуш
• Галина Волкова — Максимлэн анаез
• Юрий Ерошкин — Викален продюсерез, Роберт Миннекузин
• Роман Болтачев — дембель, Максимлэн эшез Митрей
• Сергей Наговицын — Максимлэн эшез Яша

Мукет рольёсын озьы ик шудӥзы: Николай Смирнов, Анна Смирнова, Любовь Киселёва, Анатолий Галиханов, Мария Имбирная, Максим Князев, Анастасия Петрова, Елена Байкова, Александр Коренков, «МАЛПАН» группа но Пурогуртын улысьёс.

Саундтрек

Фильмын уже кутэм крезьгур:

• Back in UASSR — Ой, шудэ мынам арганэ
• Back in UASSR — Кырӟа — Вера. Олёна
• Амисо Вотт (Amiso Wott) — Ӟеч лу, яратонэ!
• М. Галичанина — Пишты мыным (кылъёсыз Darali Leli-лэн, крезьгурез М. Галичаниналэн)
• Алина Антонова — Ялан ӵошен

Телепремьера

«Мынам Удмуртие» телеканал возьматӥз «Узы-боры» фильмез 2 коньывуонэ 2011 аре 11 часын 55 минутэ.

Чӧлсконъёс

• uzy-bory.ru Официальной сайтэз
• https://web.archive.org/web/20120323081727/http://uralistica.com/events/uzybory-party-in-moscowuzybory/
• https://web.archive.org/web/20201127024409/http://uralistica.com/photo/album/show?id=2161342%3AAlbum%3A75101&xg_source=activity
• https://web.archive.org/web/20110513132110/http://www.udmort.ru/uzy-bory-pervyj-molodezhnyj-film-na-udmurtskom-yazyke.html
• https://web.archive.org/web/20160305061757/http://www.myudm.ru/node/21409 «Мынам Удмуртие» телеканал возьматоз «Узы-боры» фильмез