Уйпал Йӧ океан

Уйпал полюсын

Уйпал Йӧ океан — дуннеысь океанъёс пӧлысь тужгес но пичиез, быдэсак интыяськемын Уйпал полушариын, Евразия но Уйпал Америка континентъёс куспын.

Солэн площадез — 14,75 миллион км², ву быдӟалаез — 18,07 миллион км³. Шор мурдалаез — 1225 метр, тужгес но мур инты — Гренландия зарезьын (5527 метр). Океан люкиське куинь паськыт акваторилы: Арктической бассейн, Уйпал Европа бассейн, Канада бассейн. Полярной географи интыяськем луэмен океанлэн шор люкетаз йӧ шобрет возиськылэ быдэс ар ӵоже.

Зарезьёсыз

Пумысь зарезьёс: Баренцев зарезь, Карской зарезь, Лаптевъёс зарезь, Восточно-Сибирской зарезь, Чукотка зарезь, Бофорт зарезь, Линкольн зарезь, Гренландия зарезь, Норвегия зарезь.

Пуш зарезьёс: Тӧдьы зарезь, Баффин зарезь.