Вожодыр (турнир)

Википедиысь материал
"Вожодыр" турнир» бамысь кудланьтэмын)

«Вожодыр» — со удмурт ӝӧквыл шудонъёсты лэсьтӥсь «Chukinder» огинлэн проектэз. Нырысетӥез турнир 2019-тӥ арын ортчытэмын вал. Финалэз 13-тӥ толшоре 2020-тӥ арын вал.

Историез[Тупатыны | бамлэсь кодзэ тупатоно]

Удмурт ӝӧквыл шудонъёсты лэсьтӥсь «Chukinder» огин 2019-тӥ арын кылдӥз. Огинлэн нырысетӥ шудонэз — удмурт мифологиысь но выжыкылъёсысь персонажъёсын «Вожодыр» шудон. Пӧлазы Палэсмурт, Вуныл, Обыда, Пеллясь, Алангасар, Коркакузё. Шудонын «уй» вуэ ке, сьӧд кужымъёс сайкало но асьсэ ужъёсынызы вырыны кутско, кылсярысь, Палэсмуртъёс кинэ ке бичато но шудонысь потто, Алангасар Палэсмурт сьӧры уйиське, Обыда быръем муртэзлэсь вераськыны быгатонзэ тала но мукет. Гурт калык гинэ «уйин» гань-гань изе, нош «ӵукна» Палэсмуртэз шедьтыны выре. Татын ини шудӥсьёс асьсэ малпанзэс вераны дышетско, удмурт кылын ог-огзылы валэкто, малы малпанзы шонер.

Шудонэз тодмо ӟуч «Мафия» шудонэн ӵошатыны луэ.

Вормисьёс[Тупатыны | бамлэсь кодзэ тупатоно]

«Вожодыр» турнир «Chukinder» огинлэн азьветлӥсеныз Вадим Крестьяниновен малпамын вал. Турнирын куинь полуфинал вал, кудаз оглом 30 мурт шудӥз. Шудонъёс 9-тӥ, 16-тӥ, 23-тӥ толсуре 2019-тӥ арын ортчизы. Полуфиналысь тужгес но золъёсыз 13-ез шудӥсьёс 13-тӥ толшоре 2020-тӥ арын финалэн бичаськизы. Нырысетӥ интые Эгра ёросысь Максим Агафонов потӥз, кыкетӥ интые — Эгра ёросысь Анастасия Сергеева, куинетӥ интые — Дэбес ёросысь Денис Максимов.

Ыстонпусъёс[Тупатыны | бамлэсь кодзэ тупатоно]

Чӧлсконъёс[Тупатыны | бамлэсь кодзэ тупатоно]