Инвожо (журнал)

Википедиысь материал
(Ыстэмын «"Инвожо" журнал» бамысь)
Перейти к навигации Перейти к поиску

Инвожоудмурт кылын егитъёслы сӥзем Удмуртиын потӥсь журнал. Со висъяське аслаз туала луэменыз, удмуртъёсыз вань дуннелы возьматыны, огъя дунне культурае пыртыны тыршеменыз. Потэ удмурт но ӟуч кылын. Кылдӥз 1990 арын. Со дырысен журнал ортчиз кузь сюресэз, вошъяз вылтуссэ, пуштроссэ.

Журналлэн кылдон сюресаз пытьы кельтӥз Удмуртиысь культура удысысь дано ужась Никвлад Самсонов. Со луиз журналлэн нырысетӥ редакторез. Солэн кичӧлтэмезъя удмурт егитъёс понна нырысьсэ потыны ӧдъяз яркыт журнал. Бӧрысь журналэн кема аръёс ӵоже кивалтӥз Удмуртиысь калык писатель Егор Загребин. Туннэ журналлэсь редакцизэ валтэ Пётр Захаров.

Берло аръёсы журнал воштӥз туссэ но, пуштроссэ но. Берло ог 5 ар ӵоже журналын гожъямъёс пото удмурт но ӟуч кылын. Журналлэн яркыт тусыз трос пол пусйылэмын фин-угор фестивальёсын. Эстониын но Финляндиын "Инвожоез" тужгес кие кутымон журналэн лыдъяло.

Арлы быдэ издание ялэ выль конкурсъёс. Егитъёс ӵошатско кылбур, верос гожъян удысын, кужымззэс эскеро критика ӧрын.

2005-тӥ арын журналын ялӥзы тужгес яркыт фантастика яке эротика пуштросо верослы конкурс. Со дырысен журналлэн бамъёсаз, оглом быдэс удмурт литератураын но, кылдӥз фэнтези жанр.

2005-тӥ арын журнал бордын кылдӥз ПЕН-клуб. Солэн ёзчиосыз луизы Удмуртиысь дано адямиос: профессоръёс Владимир Владыкин, Татьяна Владыкина, Удмурт Республикалэн гимнэзлы кылъёссэ гожтӥсь Алексей Шепталин, Анатолий Ишмуратов, профессор Юрий Перевощиков, суредасьёс Пётр Ёлкин но Василий Морозов, Сергей Орлов, режиссёръёс Лев Вахитов, Василий Ушаков, мукет егит учёнойёс, гожъясьёс, журналистъёс.

"Инвожо" журналлэн редакциез матысь кусыпъёс возе фин, эстон, венгер, но мукет фин-угор выжыысь егитъёсын, озьы ик удмурт егитъёслэн «Шунды» огазеяськонэнызы. Кема аръёс ини редакция пыриське удмурт пиналъёслы чаклам «Шундыкар» лагере, журналлэн редакторез литература удыслы синмаськытэ гуртъёсысь удмурт пиналъёсты.

Озьы ик зол ужа журнал бордын кылдытэм типография но издательство. Татын, дун тырыса, асьсэлэсь кннигаоссэ печатлало егит авторъёс. Туннэлы поттэмын ни ог 100 книгаос.