Ар-Серги, Вячеслав
Вячесл́ав А́р-Серги́ (зэмос нимыз – Вячесла́в Вита́льевич Серге́ев; в. 1962 аре 5 апреле).— удмурт кылбурчи, сценарист, берыктӥсь но драматург. Россиысь писательёслэн союззылэн членэз. Удмурт Республикаысь калык писатель (2003).
Вордӥськиз 1962 аре 5 апреле Завьял ёросысь Выль Казмас (Новая Казмаска) гуртын. Дышетскиз Удмурт кун университетын но Москваысь литературая институтын.
Ар-Серги – пӧртэм жанръёсын гожтэм ог 30 книгаослэн авторзы. Солэн сценариезъя пуктэмын нырысетӥ удмурт кинофильм «Алангасарлэн вужерез» (киностудия «Кайрос», 1994). Озьы ик солэн гожъямъёсыз печатламын Венгриын, Эстониын, Франциын, Швециын, берыктэмын пӧртэм кылъёсы. Ачиз гожъя удмурт но ӟуч кылын. Ӵем печатлаське Москваысь валтӥсь газетъёсын но журналъёсын.