Викиавтор сярысь вераськон:З:енелик
Выль тема ватсаноКукмор
[бамлэсь кодзэ тупатоно]Кукмор - Россиысь Татарстан Элькунысь кар типъем посёлок. Посёлок интыяськемын Нурминка шур дурын (Оштормалэн притокез, Вяткалэн бассейназ), Казаньлэн уйпал-шунды ӝужан палаз 115 иськемлы кыдёкын, Киров областьысь Вятские Поляны карлэсь лымшор-шунды пуксён палаз 10 иськемлы кыдёкын. Кукмор чугун сюрес станция Казань - Агрыз линиын. XVII - тӥ даурлэн кутсконаз Большой Кукмор гурт дурын (али со нимаське Жилой Рудник гурт. Интыяськемын туала посёлоклэн шунды пуксён палаз) шедьтэмын вал ыргон руда. Со рудаосты поттон Кукмор посёлоклэн кылдонэзлы инъет луиз. Кукмор завод нимазы яке Таишевский завод, бигер Таишево гуртлэн музъемъёсаз кылдэмез понна. XVIII даурын Кукморын Абсалямов купецлэн заводэз усьтӥськиз. Асьсэ мылкыдзыя ужасьёс но завод борды юнматэм крестьян калык руда поттӥз но вайылӥз заводэ, топливо дасяз. Уждунзы ичи вал. Пугачёвлэн восстаниез дыръя Кукмор ыргонсулятӥсь завод ӝутскем калыклы пыӵал-тӥрлыкен юрттӥз. Та событие бере завод ворсамын вал. XIX дауре ыргон сулятон выльысь кутскиз. 1812 - тӥ арын кукмор ыргонсулятон завод пыӵал-тӥрлыкен юрттӥз Атыкай ожын ас мылкыдзыя ожмаськисьёслы. 22 ар понна завод сулятӥз 50 сюрс пудлэсь трос ыргон.