Викиавтор сярысь вераськон:Petrova Elena
Выль тема ватсаноАникина, Алевтина Степановна
[бамлэсь кодзэ тупатоно]Кылбурчи Алевтина Степановна Аникина вордскиз 1938 арын Якшур-Бодья ёросысь Урсо гуртын. Алевтина пичи дырысеныз ик тодон-валан басьтон борды кыстӥськиз: эшеныз ӵош нылаш Шаркан ёросысь Сосновка школае ветлӥз. 1956 арын со школаез йылпумъяз. Дышетсконзэ Ижкарын азьланьтыны малпаз. Городэ вуэм бераз, куинь ар ӵоже заводын ужаз. Собере пыриз Удмурт пединститутэ, история но кылтодонъя факультетэ. Татын дышетскыкуз ик кылбуръёсыз «Молот» журналын печатласькыны кутскизы. Поэтессалэн гожтэм чуръёсыз пинал гожъясьёслэн «Егит сюлэм кырӟа» (1962), «Чагыр инбам» (1964), «Ныл сюлэм» (1965) бичетъёсазы пыризы. Нош 1976 арын Алевтина Аникиналэн аслаз «Вераме потэ» нимо сборникез потэ. Татчы кылбурчи люкам секыт война аръёслы, котьмае чидась кышномуртлы, анайлы но вордскем шаерлы, яратонлы сӥзем кылбуръёссэ. Алевтина Аникиналэн вань публицистика шӧмо кылбуръёсыз, философия пуштросъемез но, яратон но инкуазь лирикаез но вань. Яратонлы сӥзем кылбуръёсаз ӵемгес витён мылкыд шӧдске. Алевтина Аникина, институтэз йылпумъяса, вань улонзэ Удмурт телевидениен но радиоен герӟаз. Алевтина Степановналы семья кылдытонэн ӧз удалты. Мугораз война вылтӥ ортчем пичи дырыз эзель висён выжыоссэ зол лэзем вылэм. 1996 арын, секыт висемез бере, Алевтина Аникина улонысь кошкиз.
Л. П. Фёдоровалэн "Удмурт нылкышно кылбуретлэн тулкымъёсыз"