Глаз бамлэн кылдэмез сярысь тодэтэз учконо

{{УИ
|статус                = Кар
|удмурт ним            = Глаз
|оригинальной ним      = {{lang-ru|Глазов}}
|подчинение            = 
|кун                   = Россия
|герб                  = Coat of Arms of Glazov (Udmurtia).png
|флаг                  = Flag of Glazov (Udmurtia).png
|герб сярысь           = Глаз карлэн гербез
|флаг сярысь           = Глаз карлэн флагез
|суред                 = Глазов.jpg
|пасьтала              = 
|подпись               = 
|lat=
|long=
|lat_dir = |lat_deg = 58 |lat_min = 8 |lat_sec = 
|lon_dir = |lon_deg = 52 |lon_min = 39 |lon_sec = 
|CoordAddon            = 
|CoordScale            = 
|карта                 =
|улос                  = Удмуртия
|ёрос                  =
|пуш люкон             =
|йыр                   = Александр Вершинин
|кылдытон дыр          = XVII даур
|площадь               = 69
|шор интылэн ӝуждалаез = 150
|кыл                   =
|улӥсьёс               = 95 700
|перепись ар           = 2012
|плотность             =
|агломерация           =
|йӧскалык состав       =
|религиос              =
|часовой пояс          =
|DST                   = 
|телефон код           = +7 34141
|почта индекс          =
|почта индексъёс       = 427620 - 427649
|автомобиль код        =
|лыдпусо идентификатор =
|Commons категория     = Glazov
|сайт                  = 
|сайт кыл              = 
|сайт кыл 2            = 
}}
'''Глаз''' — [[Удмуртия|Удмуртилэн]] уй палаз интыяськем кар, [[Глаз ёрос]]лэн административной центрез (ёрослэн составаз уг пыры). Ӵемысь сое шуо «Удмуртилэн уйпал шоркарез».

Выжыяськемын [[Иж]]лэсь 180 километрлы палэнэ — [[Чупчи]] шурлэн паллян ярдур котыраз. 

Городлэн тужгес вылӥ интыез — [[Солдырь]] гурезь. Отысен быдэс Глазкар кырым пыдэсын кадь адске: шунды пуксёнысен шунды ӝужан палозь кыстӥське ог 14 километр, нош лымшорысен уйпалозь — 5 километр. Городлэн быдӟалаез — 6 сюрс 916 гектар. 

[[2009 ар|2009-тӥ арын]] ортчытэм лыдъян-чотанъя Глазкарын ваньмыз-ӧвӧлэз улӥсез 105,9 сюрс мурт. Пӧлысьтызы [[ӟучъёс]] — 55,4%, [[удмуртъёс]] — 36,4%, [[бигеръёс]] — 4,6%, музон калыкъёс — 3,6%. 

== История ==

Городлы Глаз ним сётон пумысен куинь малпан вань. Нырысетӥез герӟаськемын та палъёслэн выро-гопо музъеменызы. Солдырь гурезе тубыса Глаз карез учконо ке, со укша, пе, бадӟым синлы. 

Кыкетӥез малпан: городлы ним сётӥз императрица [[Екатерина II]] - Глаз карлэсь туссэ бумага вылэ суредаллям но та кышномуртлы возьматӥллям. Екатерина II-лы со синлы укша кадь потэм. 
 
Куинетӥяз мадёсын вераськон мынэ кыӵе ке [[Сингурт]] сярысь. Но учёнойёс пусъё: удмуртъёс, пе, Глазовез ноку но удмурт кылэ ӧз берыктылэ. Соин ик “Сингурт” - со вашкала дауръёсысь кылем мар ке ӧвӧл, шаерчиослэн малпамзы гинэ.

Глаз кар сярысь нырысьсэ гожтэмын 1678-тӥ арын лыдъян-чотанлы сӥзем ӟуч книгаын. Нош соку лыдъясь-чотасьёс удмурт гурт нимъёсты ноку но ӟуч кылэ ӧз берыктылэ: я удмурт нимзэ, я ӟучез вань ке — ӟучсэ, я гуртэз кылдытӥсьлэсь нимзэ гожъяллязы. Ӵапак та лыдъян-чотанын ик пусъемын: Глазэз кылдытӥз Глазов нимтулэн воргорон. 

Починкаез, аръёс ортчемъя со Глазлы пӧрмиз ини, кылдытӥзы [[Горд Слудка]] гуртысь потэм удмуртъёс 1670-тӥ арын. Отын черк ӝутэмзы бере починка Глазов черкогуртлы пӧрмиз. 1780-тӥ арын императрицалэн Екатерина II-лэн указэзъя Глазлы городлэсь статуссэ но гербзэ юнматӥзы. Озьы со [[Глазовской уездлэн|Глазовской уезд]]лэн шорсюлмыз луиз. 

1804-тӥ арысен городлы выль кильтро коркаос пуктылыны ӧдъяз [[Санкт-Петербург]]ысь архитектор [[Лем, Иван Михайлович|Иван Лем]]. 1898-тӥ арысен город пыр лэсьтыны кутскизы [[Транссибирской чугун сюрес]].

== Кар символика ==

Гербез — шори люкем геральдика щит. Щитлэн вылӥ люкетаз пуксемын Вятской губернилэн гербез, угось Глазовской уезд азьвыл аръёсы пыре вал ӵапак та губерние: ӵуж-ӵуж буёл вылын суредамын тӧдьыалэс-чагыр пилемъёс. Нош со пушкысь адске пукыӵен ки. Со возьматэ православилы осконэз но язычествоен нюръяськонэз. Ки вылын пиштэ горд кирос - возьматэ кужмо, сӥлё-виро луммэс. Кунпуслэн ӵуж-ӵуж буёлэз валатон сётэ: та палъёсын уло узыр, сӥё-дано, тыршись, оскись адямиос.

Улӥяз, чагыралэс бусыын, пуктэмын адями син. Чагыралэс буёл возьматэ ӧрекчаськисьтэм, рос-прос, гажамон адямиез. Син возьматэ кык малпанэз. Нырысетӥез малпан герӟаськемын та городлэн нимыныз - Глазкар. Кыкетӥез малпан: Глазов республикамылэн шоркарызлэсь кыдёке интыяськемын ке но, со - шаермылэн синмыз.

Флагез — меӵак сэрего тӧдьы басма юдэс, шораз ик — Глазлэн гербез.

== Галерея ==
<gallery>
Udmurtia Glazov asv2019-05 img05.jpg|[[Чупчи|Чупчи шур]]
Udmurtia Glazov asv2019-05 img04.jpg
Udmurtia Glazov asv2019-05 img02.jpg
Udmurtia Glazov asv2019-05 img12.jpg
</gallery>

== Чӧлсконъёс ==
* {{ref-ru}} {{ref-en}} [http://www.glazov-gov.ru Глаз карысь администрацилэн порталэз]

{{Удмуртия}}

[[Категория:Удмуртиысь каръёс]]
[[Категория:Удмуртиысь ёрос центръёс]]