Горький чугун сюреслэн Киров регионэз

Википедиысь материал
Перейти к навигации Перейти к поиску

Горький чугун сюреслэн Киров регионэз — Горький чугун сюреслэн вить регионъёсыз пӧлысь одӥгез. Кылдытэмын 1-тӥ пӧсьтолэзе 2010-тӥ арын ГЖД-лэсь одӥг нимъем люкетсэ (отделенизэ) пӧрмытэмен. Кивалтэ чугун сюрес инфраструктураен Киров улосын но Удмуртиысь Яр, Глаз, Балезино ёросъёсын[1]. Киров регион пыр ортчо Транссибирской магистральлэн Уйпал но Выль ходъёсыз.

Регионын интыяськемын бадӟымесь станциос:

  • Киров улосысь — Киров, Киров-Котласской, Чепецкой, Котельнич I, Лянгасово, Мураши, Пинюг, Луза, Зуевка;
  • Удмуртиысь — Яр, Глазов, Балезино.

ГЖД-лэн Киров регионэзлэн кивалтонниез интыяське Киров карын, Комсомольской ульча, 24-тӥ юрт адресъя.

ГЖД-лэн начальникезлэн Киров регионъя воштӥсез — Сергей Шагалов.

Валэктонъёс[Тупатыны | вики-текстэз тупатыны]

  1. Озьы ик Киров регион кивалтэ чугун сюреслэн иськем кузьда люкетэныз Кез ёросын (Чупчи шурысен Чепца станциозь)