Дуннеысь финн-угор калыкъёслэн VIII конгрессы
Дуннеысь финн-угор калыкъёслэн VIII конгрессы ортчиз 2021-тӥ арын 16-ысен 18-тӥ инвожоозь Тарту карын, Эстон национальной музейын. Ужрадэз дасян-радъян бордын тыршизы Финн-угор калыкъёслэн консультатив комитетсы но Fenno-Ugria ужъюрт.
Нырысь-валысь чакламъя ужрад 2020-тӥ арлэн инвожо толэзяз ортчыны кулэ вал, но коронавирус инфекци вӧлмонэн йырин конгресс радъясьёс сое одӥг арлы кельтыны пуктӥзы[1].
Конгресслэн темаез[Тупатыны | бамлэсь кодзэ тупатоно]
Конгресслэн ялэм темаез — «Культура пӧл — асвалан но кыл»[1]. Кылэз утёнэн, кыккылолыкен герӟаськем ужпумъёсты сяна, темаосъя заседаниосын озьы ик эскеризы климатлэсь вошъяськыса финн-угор калыкъёс вылэ влиять каронзэ но культура удысысь инновациосты. Кулэ луись подтемаос луизы дышем но выль масс-медиаез уже кутон, нош озьы ик финн-угор калыкъёслэн информациен ужазы туала кыл технологиосты уже кутон.
Конгрессэ пыриськисьёс[Тупатыны | бамлэсь кодзэ тупатоно]
Ужрадын 23 ӵыжы-выжы калыклэсь ыстэм адямиоссэ витизы[1]. Нош политикаен герӟаськем мугъёсын конгрессэ 14 финн-угор калыкъёслэн гинэ быръем муртъёссы пыриськизы.
Дуннеысь финн-угор калыкъёслэн VIII конгрессы нырысьсэ гибридной форматъя ужаз. Солэн ужамаз пыриськизы 268 делегатъёс но чакласьёс. Соос пӧлысь Тартуе вуизы 34 делегат но 67 чаклась, регистрация пыр ортчем онлайн амалэн пыриськисьёслэн огъя лыдзы 167 вал.
Дунне конгрессэз усьтон ужрадын Эстонилэн президентэз Керсти Кальюлайд но Эстониысь культурая министр Аннели Отт вал. Ӟечкыланъёсын ас видеооссэс Конгресслы ыстӥзы Финляндилэн, Венгрилэн но Латвилэн президентъёссы, озьы ик Финляндиысь, Венгриысь но Россиысь министръёс.
Йылпумъянъёс[Тупатыны | бамлэсь кодзэ тупатоно]
18-тӥ инвожое, конгресслэн берпуметӥ нуналаз, ужрадэ пыриськисьёс кутӥзы конгресслэсь резолюцизэ но пуктӥзы вуонозэ 9-тӥ конгрессэз 2024-тӥ арын ортчытыны.
Озьы ик, ужрад пумын ялэмын вал 2022-тӥ арлы Финн-угор дуннелэн культурая шоркарез. Дано титул сётэмын вал удмурт гуртлы Байтэреклы.
Валэктонъёс[Тупатыны | бамлэсь кодзэ тупатоно]
- ↑ 1,0 1,1 1,2 Бывальцева, Майя (2020-05-19) Финн-угор калыкъёслэсь дунневыл конгрессэс 2021-тӥ арлы выжтӥзы ИА «Удмуртия». Эскеремын 2021-05-08 аре
Чӧлсконъёс[Тупатыны | бамлэсь кодзэ тупатоно]
- Конгресслэн сайтэз. (эст.)(англи)(ӟуч)
- Конгресслэн Facebook-ысь бамез.