Екатеринбурглэн историез

Википедиысь материал

1723-тӥ арын Исеть шур вылын завод-крепость ӝутыны чакламын. Вуоно городлэсь интызэ бырйиз В.Татищев. Заводлы улон шокчиз В. де Геннин. Екатерина II-тӥ императрицалы сӥзьыса, карлы Екатеринбург ним сётэмын. Завод ыргон, чугун но корт поттыны чакламын вал. Озьы ке но 1808-тӥ арын Екатеринбург завод ворсамын вал.

XVIII-тӥ дауре Екатеринбург азинске Урал но Сибирь улосъёслэн горно-промышленной шоркарез луыса.

1738-тӥ арын изэз шерон мастерской усьтэмын, кудзэ 1761-тӥ арын гранильной фабрикаозь паськытатӥзы.

1726-тӥ арын ыргонлэсь коньдон дурыны кутско. Россиысь огъя коньдон кулэлыклэсь 80 % люкетсэ потто вал Екатеринбургын. 1876-тӥ арын заводэз ворсазы.

1761-тӥ арын Сибирской почта тракт ортчиз.

1781-тӥ арын Екатеринбурглы Перма губерниысь уездной кар статус юнматӥзы.

1807-тӥ арын «гурезь ужъёсъя кивалтӥсь город» статус юнмато. Со арысен Урал гурезъёс которысь вань мастерскойёссын, фабрикаосын, заводъёсын Екатеринбургысен кивалтыны кутско.

1839-тӥ арын маханикая фабрикаын поттыны кутско питранъёсты но турбинаосты, паровой машинаосты, кортэз вандӥсь станокъёсты. 1874-тӥ арын та производство но ворсамын вал.

Вузкорон удыс но вылӥ чотын лыдъяське вал – сӥлен, майталэн, куэн, кортэн паськыт вузкарон радъямын вал.

1820-тӥ арын Екатеринбургысь купецъёс зарни приискъёс борды кутско. 1826-тӥ арын Яким Рязанов нырсетӥ купец луиз, кудизлы сётэмын вал ас понназ зарниез поттон промышленностез радъяны. Бордаз ӥтиськизы Ф.Казанцев, С.Баландин, Т. Зотов.

1863-тӥ арын горной кар статуссэ ыштэмез бере, Екатеринбургын азинскыны кутскизы мукет удысъёс но (сиён-юон, транспорт, услугаосъя сфера). Тужгес азинскиз банкен герӟаськем удыс. 1827-тӥ арын Сибирской вузкарон банк – Россиысь тужгес бадӟым банк луиз.

1878-тӥ арын Екатеринбургэ чугун сюрес вуэ. Кузон пала нуись чугун сюрес вуттэмын вал 1920-тӥ арын гинэ 1904-тӥ арлы Екатеринбургын 49 промышленной предприятие но 300 пала мастерскойёс лыдъясько вал.

1917-тӥ арын большевик кивалтэт юнматэмын вал "виртэк". 1918-тӥ арын 16 но 17 пӧсьтолэзье Екатеринбург котырын Николай II-тӥлэсь семьязэ виё.

Граждан ож бере заводъёслэн ужзы ӧз воштӥськы.

1923-тӥ арын Екатеринбург Урал областьлэн шоркарез луиз. 1924-тӥ арын Свердловск ним юнматэмын. 1934-тӥ арын Урал областлэсь нимзэ Свердловской областьлы воштӥзы.

Пятилетка дыръёсы промышлtнность азинскыны кускиз. Ӝутэмын вал выль заводъёс (секыт машинаосты поттон завод, Уралэлектромашина, Уральской турбомоторной завод но мукетъёсыз).

Быдӟым Атыкай ож дырья Свердловске эвакуировать каремын вал 50 завод. Со дырысен Военной промышленность но азинскыны кутскиз. Война бере но карлэн экономикаез машина поттон но кортэз дурон промышленностен герӟаськемын вал.

1991-тӥ арын карлы исторической нимзэ берыкто.