Нырысетӥ канал (Россия)

Нырысетӥ канал (ӟуч Первый канал) — элькун федерал телеканал. Со 1995-тӥ арын 1-тӥ куартолэзьысен Москваысь «Останкино» телецентрысь (АСК-1) 24 час ӵоже эфире потэ, шаерысьтымы валтӥсь телеканал лыдъяське. Россиын сяна, Нырысетӥ канал калыккуспо но трансляциос нуэ (калыккуспо версиез — Нырысетӥ канал. Дуннеысь сеть). Со 2022-тӥ арын 26-тӥ февралёзь Европаысь вещательной огазеяськонлэн ёзчиез луэ.

Канал кылдӥз 24-тӥ январе 1995-тӥ арын Россиысь мерлыко телевидение (ОРТ) нимын но эфире потыны кутскиз 1-тӥ куартолэзе 1995-тӥ арын Нырысетӥ каналлэн «Останкино» частотаезъя. Нырысетӥ канал ним басьтӥз 2002-тӥ арын 2-тӥ сентябре. 2011-тӥ арын 1-тӥ коньывуонэ канал 16:9 форматэ выжиз, нош 2012-тӥ арын 24-тӥ декабрьысен HD форматэн эфире потэ.

Нырысетӥ каналэз 98%-озь россиысь калык учке но 2009-тӥ арысен иворъёслэн валтӥсь источниксы луэ. 82% россиысь калык та каналэз мукет источникъёслэсь яратэ.

Нырысетӥ каналлэн валтӥсь вожвылъяськисьёсыз — «Россия-1» но «НТВ» каналъёс. 2015-тӥ арлы каналын 2 сюрс 443 адями ужаз.

Со санкциос улэ шедиз Европаысь огазеяськонлэн, США-лэн, Канадалэн но Украиналэн.