Финн-угор калыкъёслэн егитъёссылэн ассоциацизы

МАФУН-лэн эмблемаез

Финн-угор калыкъёслэн егитъёссылэн ассоциацизы (МАФУН) — финн-угор но самоди егитъёслэн мер организациоссылэн огазеяськемзы. Кылдытэмын Йошкар-Ола карын 1990-тӥ арын инвожо толэзе финн-угор егитъёслэн делегатъёссылэн 1-тӥ люкаськемазы.

МАФУН-лэн ужпумъёсыз — урал калыкъёслэсь кылъёссэс но культураоссэс утён но азинтон, урал калыкъёслэсь вачекусыпъёссэс юнматон, выжы калыкъёслэсь правооссэс утён, урал калыкъёслэсь улон интыоссэс мер но экономика ласянь азинтон.

Удмуртилэсь МАФУН-лэн ёзчиез луэ «Шунды» нимо Удмурт егитъёслэн общественно-политической организацизы.

Кивалтӥсьёсыз

МАФУН-лэн правлениезлэн кенешемез

Финн-угор калыкъёслэн егитъёссылэн ассоциацизылэн Правлениезлэн Тӧроосыз (Президентъёсыз):

• Александр Абдулов (Марий Эл, 1990)
• Светлана Смирнова (Удмуртия, 1993)
• Нина Нестерова (Коми, 1995)
• Яак Прозес (Эстония, 1997, 1999)
• Василий Петров (Марий Эл, 2003, 2005)
• Алексей Рассыхаев (Коми, 2007)
• Алексей Цыкарев (Карелия, 2009)
• Василий Немечкин (Мордовия, 2011)
• Сампса Холопайнен (2013)
• Кяби Суви (2015).

Конгрессъёсыз

• 2009 — Петрозаводск, Карелия.
• 2011 — Саранск, Мордовия.
• 2013 — Хельсинки, Финляндия.
• 2015 — Тарту, Эстония.
• 2017 — Ижкар, Удмуртия.

Озьы ик учке

• «Финн-угор дуннелэн культурая шоркарез» — МАФУН-эн кылдытэм программа.

Линкъёс

• МАФУН-лэн сайтэз