Политик

Политик — со адями, кудӥз пыриське политикая решениос кутонэ, ӵемысь со кивалтон удысын ужа.

Мукет источникъёс возьмато, политик — со визьмо но лякыт (котьку уг шонер) кун ужась; оглом лушкем но лушкем адями, усто ужъёсты асьсэлы пайдаё радъяны, дырыз дыръя вераськыны но шып улыны.

Политикъёс калыкез возьмато, решениос куто но мерлыко политикаез кылдытонлы инъет луо. Политикъёслэн быдэстыны кулэ луись рольёссы но обязанностьёссы пӧртэм луо кивалтэтлэн уровенезъя, кудаз соос ужало: интыысь, кун яке калыккуспо. Политикъёслэн идеологической ориентацизы ӵемысь азьвыл опытсыя, дышетскемзыя, осконъёссыя, политической партиосы пыремзыя яке калык малпанзыя чакламын.

Политикъёс куддыръя пӧртэм шуг-секытъёсын но кышкытлыкъёсын пумиськыло, кудъёсыз соослэн оскымонлыксы вылын шӧдӥськыны быгато. Та кышкытлыкъёс пӧлы пыро политической коррупция, кудӥныз герӟаськемын властез злоупотребление, калыклэн тунсыкъёсыз понна ӧвӧл, личной ужпумъёсты быдэстон понна.