Санкт-Петербург

Википедиысь материал
Кар, Россия Федерациысь субъект
Санкт-Петербург
Флаг[d] Герб[d]
Флаг Герб
SPB Collage 2014-3.png

Координатаос: 59°57′00″ у. ш. 30°19′00″ ӵ. д. / 59.95° у. ш. 30.316667° ӵ. д. (G) (O) (Я)59°57′00″ у. ш. 30°19′00″ ӵ. д. / 59.95° у. ш. 30.316667° ӵ. д. (G) (O) (Я)

Шаер Россия
Улос Санкт-Петербург
Пуш люкон 18 ёрос
Йыр Георгий Полтавченко
Кылдытон дыр 1703
Азьвыл нимъёс Петроград, Ленинград
Территория 1439 км²
Улӥсьёс (2015) 5 191 690 адями
Плотность 3607,85 адями/км²
Агломерация 5,4 миллион адями
Часовой пояс UTC+3
Телефон код +7 812
Почта индексъёс 190000-199406
Автомобиль код 78, 98, 178
Официальной сайт gov.spb.ru
(ӟуч)

Санкт-Петербург (Россия)
Санкт-Петербург
Санкт-Петербург

Санкт-ПетербургРоссийской Федерацияысь федеральной статусъем кар, Уйпал-Шундыпуксён федерал округлэн шоркарез, Ленинград улослэн центрез, XVIII–XX дауръёсы Россия империлэнлэн шоркарез. 1965-тӥ арын карлы «Город-герой» ним сёто. Пусъемын РСФСР-ысь Горд Знамя орденэн (1919), Ленинлэн орденэныз (1945, 1957) но Октябрь Революцилэн орденэныз (1967).

Карлэн нимъёсыз[Тупатыны | вики-текстэз тупатыны]

Санкт-Петербург (немец кылысь берыктыса, Св. Петырлы сӥзем кар) – Петр I-лэн указэзъя 1703-тӥ арын Нева шур вылын городэз ӝутон ужъёс кутскемын.

Петроград – 1914-тӥ арысен.

Ленинград – 1924-тӥ арысен.

Санкт-Петербург – 1989-тӥ арысен.

Вакчиятыса городлэн нимыз – СПб.

История[Тупатыны | вики-текстэз тупатыны]

16 мае 1703-тӥ арын Петр I-лэн указэзъя Санкт-Петербургез ӝутон ужъёс радъямын вал. Та нуналэ вуоно Петропавловской крепостьлэн фундаментаз нырысетӥ из понэмын вал. Крепость интыяськиз Заячий шормуӵын. Лэсьтон мугез - Нева шурлэсь фарватерзэ утён . 1704-тӥ арын Котлин шормучын Кронштадт крепостез лэсьтыны кутско. Санкт-Петербурглэн интыяз азьвыл таӵе гуртъёс интыяськемын вал – Автово, Купчино, Стрельна но пичи кар Ниен. Петр I городлы валтӥсь ужпум пуктӥз – Россиысь Европае ву кузя сюресэз утьыны. Васильевской шормуӵ вылын лэсьтэмын вал Россиысь нырысетӥ порт.

1712-тӥ арысен 1918-тӥ арозь Санкт-Петербург Российской империлэн шоркарез лыдъяськиз.

1715-тӥ арын карын ӧсъёссэ усьтӥз Морской академия.

1719-тӥ арын Санкт-Петербургын усьтэмын Россиысь нырысетӥ публичной музей – Кунсткамера.

1724-тӥ арын ужаны кутске Наукая Петербургской Академия.

1756-тӥ арын ужаны кутскиз публичной театр.

1757-тӥ арын Суредаськонъя Императорской академия ужаны кутске.

1795-тӥ арын Императорской библиотека ӧсъёссэ усьтэ.

1819-тӥ арын Санкт-Петербугысь университет ӧсъёссэ усьтэ.

1825-тӥ арын Санкт-Петербугын декабрьской восстание пуромиз.

1837-тӥ арын усьтӥське Россиысь нырысетӥ чугун сюрес: огазеяз Санкт-Петербугез но Царской селоез.

1851-тӥ арын усьтэмын Санкт-Петербуг–Муско чыгун сюрес.

XX дауре карын ортчиз куинь революция: 1905–1907-тӥ аръёсы революция, 1917-тӥ аре Февральской но Октябрьской революциос.

1927-тӥ арын кылдытэмын Ленинградской область но Петроградлэсь нимзэ Ленинградлы вошто. Быдӟым Атыкай ож дыръя Ленинград 900 нунал кыстиськись блокадаын вал.

1955-тӥ арын ужаны кутске метрополитен.

1991-тӥ арын Ленинградлы азьвыл нимзэ берыкто.

Интыяськемез но улӥсь калыкез[Тупатыны | вики-текстэз тупатыны]

Мусколэсь 664 иськемлы палэнын интыськемын. Сылэ Нева шур вылын, Балтика зарезь дурын, Европалэн уйпалаз, Российской Федерацилэн Уй-шундыпуксён палаз.

2010-тӥ арлы Санкт-Петербугын 4 600 310 адями улэ. Европаын улӥсь калыклэн лыдызъя куинетӥ кар (шоркар статусъем городъёсты лыдэ басьтытэк) луэ, Россиын – кыкетӥ (Муско бере).

Кивалтэт[Тупатыны | вики-текстэз тупатыны]

2008-тӥ арысен Санкт-Петербугын Российской Федерациысь Конституционный суд интыськемын. 1992-тӥ арысен – СНГ-ысь Межпарламентской ассамблеяез.

Карен кивалто: губернатор, Правительство, Санкт-Петербуглэн кар Администрациез, Законодательной Собрание.

Санкт-Петербуг 18 ёрослы люкемын: Адмиралтейской, Василеостровской, Выборгской, Калининской, Кировской, Колпинской, Красногвардейской, Красносельской, Кронштадтской, Курортной, Московской, Невской, Петроградской, Петродворцовой, Приморской, Пушкинской, Фрунзенской, Центральной.

Экономика[Тупатыны | вики-текстэз тупатыны]

Санкт-Петербуг – Росси Федерациысь экономикая огез валтӥсь кар. Тужгес отын азинске промышленность но туризм.

1997-тӥ арысен та карын Россилэн но СНГ огазеяськонысь кунъёслэн экономикая саммит радъяське. Петербуржской калыккуспо экономической форум Шундыӝужан Еропаын луиз валтӥсь экономической но политической ужрад (соин сэрен официальной луисьтэм ним но сётэмын – «Ӟуч Давос»).

Валтӥсь заводъёсыз: Кировской завод, Ленинградской металлической завод, «Электросила», Ижорской заводъёс, «Вагонмаш» Петербургской трамвайно-механической завод, автобусной завод «Скания-Питер», Toyota, General Motors, Nissan, Hyundai. «Северной верфь», Балтийской завод, Адмиралтейской верфь, Канонерской завод, Невской судостроительной завод но мукетъёсыз.

Транспорт[Тупатыны | вики-текстэз тупатыны]

Санкт-Петербуг – автомашина сюресъёсъя Скандинавской кунъёсты, Европаез, Росиысь портэм городъёсты огазеясь валтӥсь ёзэз луэ. Озьы ик азинскемын ву вылтӥ сюресъёс – карын Европаысь огез бадӟым порт интыяськемын. Кыллыккуспо аэропортъёс ужало – Пулково-1, но Пулково-2. Чыгун сюресъёс транспортной магистральлэн валтӥсь ёзэз луэ. Карын 1955-тӥ арысен метрополитен ужа.

Наука но дышетскон удыс[Тупатыны | вики-текстэз тупатыны]

Санкт-Петербугын ужало 1047 нылпи садъёс, 735 школаос, 160 специальной дышетскон юртъёс, 95 вылӥ дышетсконниос.

Санкт-Петербуг Россиысь наукая но дышетонъя центрез луэ.

Карын интыяськемын валтись вылӥ дышетсконниос: Санкт-Петербугысь кун университет, Санкт-Петербуг государственной политехнической университет, Санкт-Петербуг государственной электротехнической университет, Гурезь институт, Санкт-Петербуг государственной морской технической университет, Санкт-Петербуг государственной экономикая университет, Санкт-Петербуг государственной лесотехнической академия, Российской государственной педагогической университет, Государственной морской; Технологической институт Инженерно-экономической университет, механики и оптики, Аэрокосмической приборъёсты лэстонъя Вӧсьлыко Петыркар государственной университет приборостроения, Чыгун сюресъёсъя Петербургской государственной университет, Консерватория, Театр искусствоя Академия, Военно-космической академия, Военно-медицинской академия, Михайловской военной артиллерийской университет, Санкт-Петербуг военно-морской институт но мукетъёсыз.

Санкт-Петербуг – Россиысь бадӟымез тодосъя центрез луэ. Карын ужало пӧртэм научной ужюртъёс: научно-исследовательской институтъёс, Россиысь наукая академилэн пӧртэм ёзъёсыз (60 институт). Огъя Россияен ӵошатыса карлэн наукая но дышетонъя потенциалэз 15 процент луэ – соин сэрен Санкт-Петербугез калыккуспо тодосья центр лыдьяськыны быгатэ.

Россиысь наука но дышетон удысын ужась калыклэн лыдызья Вӧсьлыко Петыркар кыкетӥ интыын сылэ.

Архитектура[Тупатыны | вики-текстэз тупатыны]

Санкт-Петербург. Петропавловской крепость

Петр I карлэсь архитектуразэ Амстердам но Венеция каръёслэсь адӟыса лэсьтыны тыршиз. Соин сэрен татын котькуд урам изен шобыртэмын но ву сюресъёс (каналъёс) трос лэсьтэмын. Озьы ик Петр I ӧз лэзьы мукет городъёсын излэсь юртъёсты ӝутыны. Карлэсь архитектурной планзэ радъяз француз Жан-Батист Леблон. Тужгес адскымон аспӧртэмлыкез луэ – шонер сюресъёс, трос карлудъёс, паркъёс, ву каналъёс, выжъёс но фонтанъёс. Исторической синпелетъёс пӧлы пыро XVII-XX дауре лэсьтэм юртъёс: Петропавловской крепость, Александро-Невской лавра, Смольный институт, Дворцовой карлуд, Зимней дворец, Адмиралтейство, Невской проспект, Биржа, Сенатской площадь, Петр I-лы синпелет (усьтэмын 1782-тӥ арын), Восстания карлуд но мукетъёсыз. Синмаськымон луэ Петергофысь фонтанной комплекс. Городлэн исторической люкетэз утиське ЮНЕСКО огазеяськонэн.

Лулчеберет[Тупатыны | вики-текстэз тупатыны]

Россиысь Уйпал шоркарез тужгес тунсыко луэ туристъёслы, уго куинь даур ортчыса но, архитектура ласянь та карлэн вылтусыз сокем зол ӧз воштӥськы. Пӧртэм политической но экономической ужпумъёс сэрен (огез валтӥсез – советской вакытэ шоркар статуссэ ыштон, кудӥз карлэсь архитектуразэ воштонъёслэсь утиз) Санкт-Петербуг туннэ нунналы еропейской культуралэн синпелетэныз лыдъяське. 1990-тӥ арысен Санкт-Петербург ЮНЕСКОен утись каръёс пӧлы пыре (карын ог 4000 пала исторической синпелетъёс лыдъясько). 221 музей, 2000 библиотека, ог 80 театр, 100 концерт залъёс, 45 галерея, 62 кинотеатр, 80 лулчеберет юртъёс – ваньмыз соос карлэсь лулчеберет узырлыксэ возьмато. Котькуд ар 100 пала фестивальёс но конкурсъёс радъясько, 50-ез каллыккуспо луэ.

Музейёс: Эрмитаж, Ӟуч музей, Центральной военно-морской, Кар скульптурая, Санкт-Петербуглэн историезъя, Кунсткамера но мукетъёсыз.

Театръёс: Мариинской театр, Александринской театр, Михайловской театр, Бадӟым драматической театр, Комедия Санкт-Петербугысь академической театр, Покчи драматической но мукетъёсыз.

Библиотекаос Россиысь национальной библиотека, Наукаосъя Российской Академилэн библиотекаез, Б.Н. Ельцин нимо Президентской библиотека но мукетъёсыз.

Дунне лулчеберетэз азинтон но узырмытон

1724-тӥ арын Петр I-лэн указэзъя усьтэмын Наукаосъя Российской академия, 1757-тӥ арын Санкт-Петербугын усьтэмын Суредаськонъя Академия. XIX дауре татын дышетскизы Карл Брюллов но Илья Репин, XX дауре – Николай Тимков, Сергей Осипов, Александр Самохвалов, Николай Позднеев, Евгения Антипова, Арсений Семенов, Лев Русов. Тытын улӥз но ужаз физиология Нобель премилэн лауратэз Иван Петрович Павлов. Тодмо котькуд адямилы Дмитрий Менделеев татын кылдытӥз аслэсьтыз химической элементъёсъя периодической таблицазэ. 1738-тӥ арын усьтэмын Эктонъя школа, кудӥз улон сётӥз Мариинской театрлы. Санкт-Петербугын улӥзы Пётр Ильич Чайковский, Александр Пушкин, Фёдор Достоевский, Александр Блок, Анна Ахматова но мукетъёсыз.

Галерея[Тупатыны | вики-текстэз тупатыны]

Дворцовой карлуд
Дворцовой карлуд