Троицкой линия

Троицкая линия (азьланяз тодмо луоз Троицко-Некрасовская линия) — Москваысь метролэн дас ньылетӥез официально номеро но дас витетӥез хронологической быдэстэм линиез. Со кутске Москваысь Центральной кругысь но бызе Новомосковский административной округ (Выль Москва) пыр Коммунарка черкогуртэ, собере Троицкозь кыстӥськоз. Вань люкетъёсыз усьтӥськем бере, со Москваысь метролэн Калининско-Солнцевской линиез бере одӥгез тужгес кузь радиальной линиез луоз (Калининской линиез Солнцевской линиен огазеянъя проект быдэсъяськиз ке) но Москваысь кольцевой сюреслэн (МКАД) палэназ интыяськем тужгес кузь линиез, огъя кузьдалаез 43 иськем.

Нырысетӥ запуск люкетэз, Новаторская–Тютчевская, 8,8 иськем кузьдалаез но куать станциос пыре но усьтӥськиз 7-тӥ сентябре 2024-тӥ арын. Кыкетӥ запуск люкетэз, Корниловская - Новомосковская, 6,7 иськем кузьдалаез но куинь станциос пыре но усьтӥськиз 28-тӥ декабре 2024-тӥ арын Куинетӥ запуск люкетэз, Новаторская - ИЛСКАЯ, 2024-тӥ арын. кузьдалаез 9,7 иськем, отчы куать станциос пыро но усьтӥськиз 2025-тӥ арын 13-тӥ сентябре. Троицке мынӥсь ньылетӥ люкетэз, кудаз сизьым станциос, эшшо 15,2 иськем кузьдалаез луоз но 2029-тӥ арын усьтӥськоз.

2025-тӥ арлы та линия шоро-куспо поездлэн ӝоглыкезъя одӥгез тужгес ӝогез луэ (45,2 иськем/час).