Удмурт Республикалэн Президентэз
Удмурт Республикалэн Президентэз (офиц. Удмурт Элькунлэн Азьмуртэз) — 2000—2014 аръёсын Удмуртилэн вылӥ кивалтӥсь адямиез. Со кивалтӥз кун властьлэн вылӥ быдэсъясь органэныз — Удмурт Республикалэн Правительствоеныз.
Удмуртилэн президентэзлэн постэз 2000-тӥ арын кылдытэмын вал сояз арын ик 26-тӥ южтолэзе ортчем референдумлы йылпумъянъёсъя. Нырысетӥ ползэ Удмуртилэн президентэз 4 арлы быръемын вал, бӧрысь полномочиосызлэсь сроксэс 5 арозь будэтӥзы. Кык пол (2000-тӥ но 2004-тӥ арын) Удмуртилы президентэз вань калыкен бырйылӥзы, куинетӥзэ (2009-тӥ арын) «быръёнъёс» Кун Кенешын ортчизы.
Президентлэн постэз Кун Кенешысь депутатъёсын 2011-тӥ арын быдтэмын, солэн полномочиосыз 2014-тӥ арысен сётэмын выль вылӥ кивалтӥсь адямилы — Удмурт Республикалэн Тӧроезлы.