Шулдыр ӝыт

Википедиысь материал

«Шулдыр ӝыт» — удмурт эстрадая ансамбль. Кылдӥз 1977 аре сентябрь толэзе Удмурт филармония бордын. Солэн кема аръёс ӵоже кивалтӥсез Анатолий Ушаков, солэн кышноез Галина Платонова но ансамбльын самой кылдытон дыръяз ужам мукет артистъёс — Ленинградын, «Ленконцертлэн» эстрада устолыкъя творческой мастерскойын (ТМЭИЛ-ын) дышетскем адямиос; ТМЭИЛ-эн кусыпсэс соос тямыстонэтӥ аръёсы но возизы — «Шулдыр ӝыт» вань дыръя ини соос отын кык пол стажировкаез пырпотӥзы. Соос сяна, ансамбльын ужам уката тодмо адямиос пӧлысь пусйыны луысал А. Анкудиновез, В. Дуркинэз, М. Ворончихинэз.

Ансамбльлэн популярной луэмез люконтэм герӟаськемын вал Анатолий Ушаковлэн усто организатор вылэменыз но калыкын яратэм маскарчи луэменыз. Ушаковлэн бырыны шедем бераз «Шулдыр ӝытлэн» нимыз пумен вуныны кутскиз. 2004-тӥ арысен ансамблен кивалтӥз Галина Платонова–Ушакова, 2006-тӥ арысен - Марина Галичанина. 2012-тӥ арысен лулчеберетъя кивалтӥсь - Наталья Ушакова. Али театрын 10 артист ужа:

  • Росси Федерациысь сӥё-дано артистка Галина Платонова
  • Удмурт Элькунысь калык артист Геннадий Ганьков
  • Удмурт Элькунысь калык артистка Анна Плотникова
  • Удмурт Элькунысь калык артист Павел Васильев
  • Удмурт Элькунысь сӥё-дано артист Владимир Мальцев
  • Руслан Серебренников
  • Регина Музиянова
  • Яна Белослудцева
  • Наталья Стерхова
  • Наталья Ушакова, лулчеберетъя кивалтӥсь.

Чӧлсконъёс[Тупатыны | бамлэсь кодзэ тупатоно]