Im Westen nichts Neues
«Im Westen nichts Neues» (ӟуч На Западном фронте без перемен, удм. Шунды пуксён палан воштӥськонъёс ӧвӧл) — Эрих Мария Ремарклэн 1929-тӥ арын потэм тодмо романэз. Кутсконаз автор гожтэ: «Та книга янгыше уськытон но, исповедь но ӧвӧл. Со ожен быдтэм поколение сярысь вераны тыршон». Романлэн нимыз, кӧня ке воштыса, Шундыпуксён фронтысь вуэм немец сводкаосысь кутэмын.
Ож сярысь тодӥськом валтӥсь геройлэсь — Пауль Боймер огшоры егит солдатлэсь — но Нырысетӥ дунневыл ожез адӟем эшъёсызлэсь. Эрнест Хемингуэй сямен, ож аръёсы кӧшкемыт суредъёсыз адӟыса, эшъёссэс ватыса, тупаса улыны дышымтэ егитъёс сярысь веракуз, Ремарк «ыштэм поколение» валатонэз кутӥз.
Книга пӧртэм мылкыдъёс кельтӥз, нош кино соя пуктыны Германиын ӧз лэзе. 1933-тӥ арын 10-тӥ майысен Ремарклэсь тазэ но мукет книгаоссэ нациостъёс ваньмыз азьын сутылӥзы, нош кивалтыны кутскемзы бере солэсь ужъёссэ поттыны но лыдӟыны ӧз лэзе.
Озьы ке но, романъя одӥг гинэ кино пуктэмын ӧй вал.
- 1930-тӥ арын Льюис Майлстоун американ режиссёр «All Quiet on the Western Front» кино пуктӥз, со понна 2 «Оскар» басьтӥз.
- 1979-тӥ арын Делберт Манн режиссёр «All Quiet On The Western Front» фильм пуктӥз.
- 1983-тӥ арын тодмо кырӟась Элтон Джон кино борды сыӵе нимын ик кырӟан гожтӥз.
Нош Совето Союзысь гожъяськись Николай Брыкин Нырысетӥ дунневыл ож сярысь книгазэ «На Восточном фронте перемены» (1975) нимаз.