Эстон кылъя институт
Эстон кылъя институт, ЭКИ (эст. Eesti Keele Instituut, EKI) — эстон кылэз эскерон понна кылдытэм тодослыко кун ужъюрт. Кылдӥз 1993-тӥ арын Кылъя но литературая институтэз выль сямен радъян мынэмъя. Интыяське Таллинн карын, Роозикрантси урамысь 6-тӥ номеро юртын.
Историез[Тупатыны | бамлэсь кодзэ тупатоно]
Кылъя но литературая институт 1947-тӥ арын кылдытэмын вал Эстон ССР-ысь наукаосъя академилэн составаз. 1990-тӥ аръёсы реорганизациен сэрен фольклористикая отделлэн люкетэз Литературной музей борды огазеямын вал, литературной отдел пӧрмытэмын Ундерлэн но Тугласлэн литературая центрзылы, нош кылъёсъя отдел но кылем фольклористъёс инъет луиллям Эстон кылъя институтлы. 1993-тӥ арын Институтлы сётэмын вал туала нимыз, но кык ар улыса Институт калыкез дышетонъя министерство улсын луиз.
2009-тӥ арын Институтын куинь отдел ужаз. 2014-тӥ арын научной отделъёслэн лыдзы куатёзь будэмын:
- компьютер лингвистикая,
- исторической но огъя лингвистикая,
- кылэз планировать каронъя,
- терминологияя,
- финн-угор кылъёсъя но диалектъёссыя,
- кыллюкамъёсъя.
Кивалтӥсьёсыз[Тупатыны | бамлэсь кодзэ тупатоно]
Институтлэн директоръёсыз:
- 1993—2000: Аста Ыйм
- 2000—2015: Урмас Сутроп
- 2015—2020: Тыну Тендер
- 2020 арысен: Арви Таваст
Чӧлсконъёс[Тупатыны | бамлэсь кодзэ тупатоно]
- Институтлэн сайтэз (эст.)(англи)