16 тулыспал

Толшор · Тулыспал · Южтолэзь · Оштолэзь · Куартолэзь · Инвожо · Пӧсьтолэзь · Гудырикошкон · Куарусён · Коньывуон · Шуркынмон · Толсур 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29

16 тулыспал — арлэн 47-тӥ нуналыз григорианской календарья. Выль арозь 318 нунал кыле (319 нунал високосной аръёсын).

Али дыре юлиан календарьлэн 3-тӥ тулыспалэзлы огкадь луэ.

Праздникъёс

•  удмуртъёс — Тулуп кышъян нунал.

Луэм учыръёс

• 1571 — Иван Грозный юнматӥз нырысетӥзэ Россиын ожгар уставез.
• 1904 — «Дискавери» эскерон корабль кык аръем йӧ пленысь мозмытэмын.
• 1916 — Юденич генераллэн Кавказ армиез, крепостез азинлыко штурмовать карыса, Эрзеруме пыриз.
• 1919
  • Ватка губерниысь Малмыж утемысь Выль Мултан черкогуртын Кузебай Гердлэн кичӧлтэмезъя усьтӥськиз удмурт дышетӥсьёслы семинария, кудӥз 1920-тӥ арын пӧрмытэмын Выль Мултанысь педагогикая техникумлы.
  • Юстицияя наркоматлэн Коллегиез кутӥз нырысетӥ пуктэмез Россиын дун-чылкытъёслэсь лысьӧмъёссэс усьтонэз радъян сярысь.
• 1923 — Говард Картер Тутанхамон фараонлэсь гробницазэ усьтыса учкиз.
• 1934 — Австриын граждан ож быдтэмын.
• 1945 — Ижысь геологи эскерон но портон ужъёсъя «Ижевская нефтеразведка» кун союзной контора кылдытэмын, али — «Удмуртгеология».
• 1948 — Америкаысь астроном Джерард Койпер усьтӥз Мирандаез, Уранлэсь толэзьзэ.
• 1957 — Совето Союзын кылдытэмын «Выйисьёсыз мозмытон понна» медаль.
• 1958 — Ижкарын Советской урамын лыдӟисьёслы ас ӧсъёссэ усьтӥз В. И. Ленин нимо республиканской библиотекалэн выль юртэз.
• 1976 — Бигер АССР-ысь Тупал Чалды карын Кам автомобиль лэсьтон заводлэн конвейерысьтыз потӥз нырысетӥ автомобиль КАМАЗ.
• 1978 — Ува ёрослэн администрациезлэн физкультурая но спортъя комитетэз кылдытэмын.
• 1993 — Пичи Пурга ёросысь калык депутатъёслэн кенешсылэн исполкомезлэн Технической инвентаризацияя бюроез кылдытэмын.
• 1999 — кӧня ке пуштонъёс вал Ташкентын.
• 2005 — Киотоысь протоколлэн кужымез улонэ пыриз.

Вордскизы

• 1831 — Николай Лесков, ӟуч писатель.
• 1834 — Эрнст Геккель, Германиысь инкуазьтодосчи, «экология» кыллэн авторез.
• 1880 — Николай Подвойский, революционер, большевик, совето кун но ожгар ужась.
• 1893 — Михаил Тухачевский, Совето Союзлэн маршалэз.
• 1941 — Ким Чен Ир, КНДР-лэн тӧроез.
• 1943 — Альбина Вахрушева, удмурт йӧскалык ужчи, удмурт кырӟанъя «Тюрагай» ансамблез кылдытӥсь.
• 1946 — Менсадык Гарипов, Удмуртиысь калык художник.
• 1947 — Леонид Прозоров, удмурт суредась.
• 1959 — Джон Макинрой, Америкаысь теннисэн шудӥсь, Бадӟым шлем турниръёсыз 17 полъем вормись.
• 1971 — Рохир Блокланд, нидерланд кылчи.
• 1977 — Сергей Удальцов, Россиысь политик, «Горд егитъёслэн авангардзы» но «Левой фронт» организациосын кивалтӥсь.
• 1979 — Валентино Росси, Италиысь мотоциклэн ворттылӥсь.
• 1989 — Элизабет Олсен, Америкаысь киноактриса.

Кулӥзы

• 1871 — Имам Шамиль, кавказ горецъёслэн азьветлӥсьсы, Уйпал Кавказ имаматэн кивалтӥсь.
• 1934 — Эдуард Багрицкий, ӟуч совето кылбурчи, драматург, берыктӥсь.