Wi-Fi

Wi-Fi — со беспроводной локальной сеть технологиос, кудъёсызлэн устройствооссы IEEE 802.11 стандартъёсъя кылдытэмын. Wi-Fi логотип — Wi-Fi альянслэн вузкарон пусэз. Wi-Fi термин лыдъяське Wireless Fidelity кыллэн акронимез шуыса, кудзэ буквально берыктыны луэ «беспроводной верность» яке «беспроводной точность». Озьы ке но, та термин ӵемысь уг валаськы. Wi-Fi альянслэн одӥгез кылдытӥсез вераз, Wi-Fi акроним выль технологиослы маркетинг ним сямен кылдытэмын шуыса; со нырысь-валысь акроним ӧй вал но валатонэз ӧй вал.

Али дыре «Wi-Fi» кыл радиоканалъёс пыр цифровой даннойёсты сётонъя стандартъёслэсь быдэс семьязэс огазея. Валтӥсь Wi-Fi полосаос 2,4 ГГц (2412-2472 МГц), 5 ГГц (5160-5825 МГц) но 6 ГГц (5955-7115 МГц). Wi-Fi сигнал ӧжыт передача кужымен но иськемъёс ӵоже ветлыны быгатэ, нош огшоры Wi-Fi маршрутизаторлэсь кузь сюрес вылэ Wi-Fi сигнал басьтон понна, кулэ бадӟым коэффициентъем антенна (кызьы сыӵе антенна яке Wi-Fi пушка).