Джоунз, Дэниэл

Дэниэл Джоунз
Ужан удысэз:	лингвист но преподаватель университета
Вордӥськем нуналыз:
Вордӥськем интыез:	Лондон, Англия, Соединённое королевство Великобритании и Ирландии
Кун:	Великобритания  Соединённое королевство Великобритании и Ирландии
Кулон нуналыз:
Кулон интыез:	Джерадс-Кросс, Бакингемшир, Англия, Великобритания

Дэ́ниэл Джо́унз (англ. Daniel Jones; 1881 аре 12 сентябре — 1967 аре 4 декабре) — тодмо кылчи, фонетист.

Джоунз вордскемын 1881 аре 12 сентябре Быдӟым Британиын. Дышесткемын Юниверсити-колледжлэн школаяз но Кингс-колледжын (Кембриджысь университет). 1907 арысен Джоунз ужа Юниверсити-колледжын, нырысь – лектор, собере ини доцент но профессор луыса.

Наука ласянь кивалтӥсез вал Поль Пасси, тодмо француз фонетист. Джоунзлэн но ужъёсыз быдэсак сӥземын вал пӧртэм кылъёслэн фонетиказылы: англи, хинди, сечвана, ӟуч, француз, китай; озьы ик, фонетикалэн огъя ужпумъёсъя но кӧня ке ужъёс кельтӥз. Уно саклык Джоунз висъялляз фонетикаё транскрипциез кылдытон но азинтон ужлы. Со – англи но мукет герман кылъёслэсь фонетиказэ возьматӥсь транскрипци системалэн авторез (Джоунзлэн транскрипциез).

Джоунз ужаз Европаысь, Америкаысь но Индиысь пӧртэм университетъёсын. Би-би-си-ын со ужаз, фонетикая валтӥсь консультант луыса.

Джоунз пыре вал Поль Пассилэн кичӧлтэмезъя кылдытэм Фонетикая Каллыккуспо Организацилэн ужаз: отын со 1907–1927 аръёсы секретарьлэн воштӥсез луыса ужамын, 1928 аре Джоунз луиз организацилэн секретарез. Со сяна, 1907–1940 Джоунз ужаз «Le maître phonétique» нимо журналын: нырысь – валтӥсь редакторлэн воштӥсез луыса, собере, 1941–1950 аръёсы, валтӥсь редактор луыса но.

Тужгес тодмо ужъёсыз: Phonetic Transcriptions of English Prose, 1907; Intonation Curves, a Collection of Texts in Which Intonation is Marked by Means of Curved Lines, 1909; Fondamenti di grafia fonetica, 1933 (Америндо Камиллиен ӵош гожтэмын); An Outline of English Phonetics, 1939; The Pronunciation of Russian, 1923 (М.В.Трофимовен ӵош гожтэмын); An English Pronouncing Dictionary, 1948; The Pronunciation of English, 1949; The Phoneme, Its Nature and Use, 1949.

Джоунз кулэмын 1967 аре, 4 декабре.