Дэбес бамлэн кылдэмез сярысь тодэтэз учконо

{{НП+Россия
 |статус                 = Черкогурт
 |русское название       = Дебёсы
 |оригинальное название  = {{lang-udm|Дэбес}}
 |герб                   =
 |флаг                   =
  |lat_deg = 57|lat_min = 39|lat_sec = 
  |lon_deg = 53|lon_min = 49|lon_sec = 
  |CoordAddon = 
  |CoordScale = 20000
 |ЯндексКарта            =
 |регион                 = Удмуртия
 |регион в таблице       = Удмуртия
 |район                  = Дэбес ёрос
 |район в таблице        = Дебёсский район {{!}}Дэбес
 |вид поселения            = гурт поселени
 |поселение                = Дэбес гурт поселени
 |поселение в таблице      = Дебёсское сельское поселение{{!}}Дэбес
 | C в регион               = нет
 |дата основания         =
 |первое упоминание      = 1648
 |статус с               = 1749
 |площадь                =
  |население             = {{ Население | Дебёсы | тс }}
  |год переписи          = {{ Население | Дебёсы | г }}
 |часовой пояс           = +4
 |почтовый индекс        = 427060
 |телефонный код         = 34151
 |автомобильный код      = 18
 |цифровой идентификатор = 94214815001
|изображение = Церковь Святой Троицы села Дебёсы.jpg}}

'''Дэбес''' — [[Удмуртия|Удмуртиысь]] черкогурт, [[Дэбес ёрос]]лэн шорсюлмыз. Интыяськемын республикалэн уйпал но шунды пуксён палаз. Дэбес черкогуртысен [[Иж]]озь 140 иськем. Матысь чугун сюрес станциозь — [[Кез станция|Кезозь]] — 32 иськем. Озьы ик черкогурт вӧзтӥ ортче [[М7]] федерал трасса.

Дэбес сярысь нырысетӥ гожъямъёс кылемын 1646-тӥ арысен. 1749-тӥ арын Дэбес гуртын пу черк пуктыны кутскизы. Сое быдэстӥзы 1754-тӥ арын. Сокку ини Дэбес луиз черкогурт. Но 1756-тӥ арын черк ӝуаз, вылез храм ӝутӥськиз 1767-тӥ арын. 1796-тӥ арын Дэбесэз сёто [[Ватка]] губернилы, кылдэ Дэбес волость.

1846-тӥ арын черкогуртын пуктӥзы из черк, солы сётӥзы дун-чылкыт Троицалэсь нимзэ. Озьы ке но 1939-тӥ арын черкез ворсазы. Сое выльысь ӝутон кутскиз 2000-тӥ ар бере.

Дэбес ёрос быдэс республикалы но солэн палэназ тодмо луэ [[Сибирь тракт]]лэн люкетэныз. Сое та палан ӝутыны кутскизы 1682-тӥ арын. Сюрес кыстӥськиз Дэбесысен [[Кунгур]]озь. Нош XVIII даурлэн шораз та сюресэз герӟазы Сибирь трактэн. Пусйымон соиз: Дэбесын ваче вуылӥз кык сюрес. Огез нуылӥз [[Москва]]е, мукетыз — [[Петербург]]е. Сибире кошкисьёс яке со палась лыктӥсьёс одно ик Дэбесэ дугдоно луылӥзы. Соос пӧлын [[Россия]] империысь туж тодмо адямиос: А. Н. Радищев, Ф. М. Достоевский, М. Е. Салтыков-Щедрин, Н. Г. Чернышевский. 1824-тӥ арын татысь священниклэн юртаз кӧлӥз ӟуч император [[Александр I]]. Туннэ вашкала сюреслэн люкетэз пыре Сибирь трактлэн историезлы сӥзем музее. Ёросын мыло-кыдо пумитало шаерысьтымы но кунгож сьӧрысь куноосты.

Туннэ черкогуртын вань шор ёзо школа, [[Корепанов-Камский, Геннадий Михайлович|Г. М. Корепанов-Камский]] нимо искуствоосъя нылпи школа, ваньмон дырез радъянъя «Чупчигур» центр, Дэбес ёрос больница, туризмез азинтонъя «[[Байгурезь]]» центр.

Ёросын пото «Новый путь» но «Байгурезь» газетъёс. Озьы ик черкогуртын интыяськемын Дэбес политехникум. Сое йылпумъязы шаерамы тодмо луись адямиос «[[Удмурт дунне]]» газетлэн 1994-тӥ-2010-тӥ аръёсы валтӥсь редакторез [[Шкляев, Алексей Петрович|А. П. Шкляев]], калык кырӟанъя «[[Айкай]]» кун театрлэн директорез [[Данилов, Пётр Павлович|П. П. Данилов]] но уно мукетъёс.

{{Дэбес ёросысь улон интыос}}

[[Категория:Удмуртиысь гуртъёс]]
[[Категория:Дэбес ёрос]]
[[Категория:Удмуртиысь ёрос центръёс]]