Иж бамлэн кылдэмез сярысь тодэтэз учконо

{{Нимзэ воштыны|Ижкар}}
{{УИ
|статус                = Удмурт Республикалэн шоркарез
|удмурт ним            = Ижкар
|оригинальной ним      = Ижевск
|кун                   = Россия
|герб                  = 
|флаг                  = 
|герблэн пасьталаез    = 
|флаглэн пасьталаез    = 
|герб сярысь = Ижкарлэн символикаез
|флаг сярысь = Ижкарлэн символикаез
|суред                 = {{Фотомонтаж
| photo1a = Арсенал, западный фасад.jpg
| photo1b = Государственный национальный театр Удмуртской Республики (Ижевск).jpg
| photo1c = 
| photo2a = Удмуртский государственный университет.jpg
| photo2b = Летний сад имени М. Горького (Ижевск). Ротонда.jpg
| photo2c =
| photo3a = Udmurtia State Circus, Izhevsk, Russia.jpg
| photo3b = Aerial photographs of Izhevsk-7.jpg
| photo3c =
| photo4a = Aerial photographs of Izhevsk-105.jpg
| photo4b = 
| photo4c =
| size = 300
| spacing = 0
| color = black
| border = 0
| foot_montage = 
}}
|пасьтала                 = <!--300px-->
 |lat_dir =N |lat_deg = 56|lat_min = 51|lat_sec = 
 |lon_dir =E |lon_deg = 53|lon_min = 13|lon_sec = 
 |CoordAddon           = type:city(611043)_region:RU
 |CoordScale           = 20000
|Яндекс-карта        = 
|карта               = 
|улос                = Удмуртия
|йыр                 = [[Чистяков, Дмитрий Александрович|Дмитрий Чистяков]]
|кылдытон дыр        = 1760 ар
|азьвыл нимъёс       = Иж Завод, Ож Завод
|площадь             = 315,6
|кыл        = 
|улӥсьёс               = 648 944
|перепись ар           = 2019
|плотность             = 2019
|агломерация           = 1 253 730
|йӧскалык состав       = [[ӟучъёс]], [[удмуртъёс]], [[бигеръёс]] но мукетъёсыз
|часовой пояс          = 
|DST                   = 
|телефон код           =
|почта индексъёс       = 426000 — 426999
|автомобиль код        = 
|Commons категория     =
|сайт                  = http://www.izh.ru
|сайт кыл              = ru
|сайт кыл 2            = udm
|сайт кыл 3            = en
|add1n                 = 
|add1                  = 
|add2n                 = 
|add2                  = 
|add3n                 = 
|add3                  = 
|nosort                = 
}}
'''Ижкар''' (озьы ик '''Иж''', '''Завод''', {{lang-ru|Ижевск}}) — [[Удмуртия|Удмурт шаерлэн]] шоркарез. Интыяськемын республикалэн шораз — [[Ватка]] но [[Кам]] шуръёс вискын, [[Оӵ]] шур дурын.

== Историез ==
{{main|Иж карлэн историез}}
Ижкар кылдӥз 10-тӥ апреле 1760-тӥ арын.

[[1760]] — [[Шувалов, Пётр Иванович|Пётр Шувалов]] графлэн кичӧлтэмезъя Оӵ ([[Ӟуч кыл|ӟуч]] сямен Иж) шур дурын корт поттон заводэз лэсьтыны кутскиллям; со бордын кылдӥз вуоно Иж кар — ''Ижевской Завод'' (соин ик али но [[Завьял ёрос|Дэри ёросысь]] пересьёс сое ''Завод'', ''Заод'' шуо на).

[[1918]], [[21 тулыспал|21 феврале]] — Ижкарысь ужчиослэн, салдатъёслэн но кресьянъёслэн депутатъёссылэн Кенешсы Ижевской Завод посёлокез каре пӧрмытӥз. Со дырысен сое ӟуч сямен ''Ижевск'' шуыса официально ниманы кутскиллям (ачиз со ним кылдӥз вазьгес).

Кызетӥ-куамынэтӥ аръёсы Ижкарез удмурт гожъясьёс пӧртэм сямен нимало вал. Ваньмызлэсь ӵем уже кутыло вал ''Ижкар'' шуон кылэз. Калык вераськонын пумиськисьтэм со ним [[Удмуртия|Удмуртилэн]] уйпал ёросъёсаз интыяськем нимо-дано [[Иднакар гуӵин|Иднакарлэн]], [[Дондыкар гуӵин|Дондыкарлэн]] но мукет вашкала улон интыослэн нимъёссылэсь адӟем карыса малпамын вал.

[[1984]], [[27 толсур|27 декабре]] [[Советской Союзысь Коммунистической партия|КПСС-ысь]] вылӥ кивалтӥсьёслэн кичӧлтэмзыя карлэн нимыз воштэмын вал: алигес улонысь кошкем [[Советской Социалистической Республикаослэн Союззы|СССР-ысь]] утиськонъя министрлэсь [[Устинов, Дмитрий Фёдорович|Дмитрий Устиновлэсь]] нимзэ пыраклы тодэ вайытон понна, Ижкарез ''Устинов'' шуыса ниманы косӥллям. Министр Устиновлэн ужез [[Быдӟым Отечественной ож|война]] дырысен ини зэмзэ но юн герӟаськемын вал Ижысь ож заводъёслэн уженызы. Озьы ке но, ваньмыз сямен ижкаръёс карзылы калыклэсь чик юатэк выль ним сётэмлы туж пумит луиллям.

[[1987]], [[19 инвожо|19 июне]] Устинов карлы вуж нимзэ берен сётӥллям. Со дырысен сое ӟуч сямен нош ик ''Ижевск'' шуо, удмурт сямен нош ([[Удмурт литературной кыл|гожтос кылын]]) — ''Ижкар'' яке ''Иж''.

Иж кар дума Ижкарлэсь гербзэ [[1997-тӥ ар]]ын юнматӥз. Солэн авторъёсыз луизы [[Бехтерев, Сергей Львович|Сергей Львович Бехтерев]] но Николай Быков.

== Люкетъёсыз ==

1934-тӥ арын Ижкарын куинь ёрос вал — [[Ждановской ёрос|Ждановской]], [[Азинской ёрос|Азинской]], [[Пастуховской ёрос|Пастуховской]]. Но 1960-тӥ арын соосты быдтӥзы. 1962-тӥ арын кылдӥзы выль вить административной ёросъёс: [[Индустри ёрос (Иж)|Индустри]], [[Первомай ёрос (Иж)|Первомай]], [[Октябрь ёрос (Иж)|Октябрь]], [[Ленин ёрос (Иж)|Ленин]] но [[Устинов ёрос (Иж)|Устинов]].
{|class='standard'
! Административной ёрос
! Улӥсьёсыз ([[2015]])
|-
| [[Индустри ёрос (Иж)|Индустри ёрос]] || 118 973 адями
|-
| [[Ленин ёрос (Иж)|Ленин ёрос]] || 124 653 адями
|-
| [[Октябрь ёрос (Иж)|Октябрь ёрос]] || 135 576 адями
|-
| [[Первомай ёрос (Иж)|Первомай ёрос]] || 126 179 адями
|-
| [[Устинов ёрос (Иж)|Устинов ёрос]] || 136 643 адями
|}

== Калыкез ==
1-тӥ толшоре [[2015 ар|2015-тӥ аре]] Ижын 642 024 улӥсез вал. Пӧлазы вань 30 пӧртэм выжыысь калыкъёс: [[ӟучъёс]] — 69,4%, [[удмуртъёс]] — 17,2%, [[бигеръёс]] — 9,6%, музон калыкъёс — 3,8%.

Переписьёсъя Ижкарысь улӥсьёслэн лыдзы вошъяськиз тазьы:
{| class="wikitable"
|-
! Перепись ар
! 1897-тӥ
! 1926-тӥ
! 1939-тӥ
! 1959-тӥ
! 1970-тӥ
! 1979-тӥ
! 1989-тӥ
! 2002-тӥ
! 2010-тӥ
! 2012-тӥ
! 2013-тӥ
! 2014-тӥ
! 2015-тӥ
|-
| Улӥсьёс
| 41 000
| 62 200
| 175 600
| 285 300
| 422 200
| 549 900
| 634 700
| 632 200
| 627 700
| 629 500
| 632 900
| 637 300
| 642 000
|}

== Экономика ==
=== Промышленность ===
{{main|Ижкар (промышленность)‎‎}}
Ижкар — Удмурт Республикалэн шоркарыз, Россиысь городъёс пӧлысь тужгес кужмоез. Татын нуналысь нуналэ ужало промышленностья 50-лэсь ятыр бадӟым предприятиос. Котькудӥз выре ас удысэзъя: машина поттон, пӧртэм тӥрлыкъёс-арбериос дасян, корт ӵыжатон но мукет. 

* 1929-тӥ арын Ижкаын нырысьсэ пуктӥзы мартен, нош 1934-тӥ арын — ТЭЦ-1. 
* 1930-тӥ арын кутскиз токарно-винторезной станокъёсты дасян. Быдӟым ож кутскытозь, ог 36 пумо станок кылдытэмын вал. 
* 1932-тӥ арын городын бичаны ӧдъязы мотик. [[Ижмаш|АО «Ижмашын»]], ГП «Механический заводын» лэсьтылӥзы машина, мотоцикл, спортлы но пӧйшуранлы чаклам ыбылӥськон тӥрлык. [[Ижсталь|«Ижсталь»]] заводын дасяллязы 90 сюрслэсь трос пӧртэм корт арбериос. 
* Бумага поттылӥзы «[[Буммаш|Буммашын]]». Та заводлэсь оборудованизэ ас ужазы кутӥзы пӧртэм кунъёс: [[Болгария]], [[Франция]], [[Чехия]], [[Словакия]], [[Польша]], [[Китай]] но мукет. 
* «Аксион» огазеяськон нырысь мотик бичалляз, Быдӟым ож вакытэ басьтӥськиз «Максим» пулемётъёсты дасян борды. 1950-тӥ аръёсы удыссэ нош воштӥз - йӧнатӥськонлы, космослы чаклам аппаратъёс, магнитофонлы кассетаос лэсьтылӥз. 
* Ижкарысь «Радиозавод» но кутскиз ожгар тӥрлык, инэз эскеронъя приборъёс поттыны. 1966-тӥ арын завод огкыл тупатӥз [[Америкалэн Огазеяськем Штатъёсыз|Америкаысь]] «Моторола» огазеяськонэн. Озьы Радиозавод телефонъёс дасян борды кырмиськиз. 
* 1908-тӥ арын усьтӥськем «Редуктор» ужан ӧрзэ герӟаз редукторъёс, мотоблокъёс бичанэн. Мувӧй кысконъя тӥрлыкъёс поттӥз «[[Нефтемаш]]». Химияя промышленностез валтӥз [[Пластмасс завод]]. 
* Азинске нюлэс промышленность но капчи промышленность. Кылсярысь, «[[Зангари]]», «[[Сактон]]» огазеяськонъёсын кильтро дӥсь вуро. Сиён-юон поттон удысын ӟеч тыршо «[[Ижмолоко]]», «Ново-Ижевский», «Ошмес», «Тазалык», «[[Гамбринус]]».

=== Вузкарон ===
Вузкарон удыс Ижкарын ӝог азьланьтӥське. Али дыре Ижкарлэн вузкарон сетез пыртэ 2300 векчиен вузкаронэн предприятиез, 438 сиськон интыез, 4 базарез но 776 огдырлы ужась вузкарон интыез. 

Трос аръёс ӵоже карын векчи вузэн товарооборот дугдылытэк будэ. [[2013 ар|2013-тӥ арын]] со ӝутъяськиз 107,4 миллиард манетозь.

Карын туж трос сиён-юон вузан супермаркетъёс но гипермаркетъёс, компьютеръёсын вузкаронниос, сиськон интыос, фирменной магазинъёс, вузкарись-шулдыръяськытӥсь комплексъёс но бизнес-центръёс ужалляло. Ижкарлэн рыноказ трос тодмо брендъёслэн вузкарон сетьёссы вань: «[[Auchan|Ашан]]», «[[Лента (вузкарон сеть)|Лента]]», «''Metro''», «Карусель», «Магнит», «Эльдорадо»,  «М-Видео», «Корпорация Центр», «Уютерра», «DNS» но трос мукетъёсыз.

Со сяна, карын трос вузкарон интыос вань, кытын Удмуртиысь лэсьтӥсьёслэсь вузъёссэс басьтыны луоно.

Озьы ик общепит удыслэн пӧртэм секторъёсыз азинско. Ижкарын ресторанъёс ужало, кудъёсыз вылӥ ӟечлыко сиёнъёсты но юонъёсты пӧрало. Вань но ӝог сиськон понна туж трос кафеос, соос пӧлын дуннеысь тодмо сетьёс — [[McDonald’s|Макдоналдс]], «[[KFC]]», «''Subway''», «[[Southern Fried Chicken|''Southern Fried Chicken'']]».

== Дышетон ==
=== Вылӥ дышетскон ===
Ижкарын 4 кун вылӥ дышетсконниос интыяськемын:
* [[Удмурт кун университет]];
* Ижкарысь М. Т. Калашников нимо кун технической университет;
* Ижкарысь гурт возёсъя кун академия;
* Ижкарысь эмтодос кун академия.

Озьы ик вань 6 кун вузъёслэн филиалъёссы но кунэн кузёяськонтэм 5 вузъёс.

=== Огъя дышетскон ===
Удмуртилэн шоркараз 93 нуназе огъя дышетскон школаос ужало, соос пӧлын: 53 шоръёзо школаос, 12 огъя дышетсконниос, кытын мургес дышетоно нимаз предметъёс вань, 4 гимназиос, 12 лицейёс, 1 валтӥсь школа, 10 нимаз (тупатъян) школаос, 1 огъя типъем школа-интернат. Озьы ик вань 4 ӝытазе (сменной) огъя дышетсконниос.

2013-тӥ арын Ижкарысь школаосын дышетскисьёслэн лыдзы йылӥз 62 989 адямиозь. 

=== Школаозь дышетскон ===
Ижкарын 213 школаозь дышетсконниос интыяськемын.

== Транспорт ==
Иж кар — Удмуртиысь бадӟым транспортной герӟет.
[[Суред:Nefaz_(40_route)_in_Izhevsk.jpg|thumb|240px|Ижкар автобус]]
'''Мерлыко транспорт'''

Карын [[Ижкар трамвай|11 трамвай]], [[Ижкар троллейбус|8 троллейбус]] но [[Ижкар автобус|38 автобус]] маршрутъёс вань. Валтӥсь выжтӥсьёс луо «ИжГорЭлектроТранс» МУП (трамвайёсты но троллейбусъёсты обслуживать каре) но «ИПОПАТ» ОАО (автобусъёсты обслуживать каре). Озьы ик кӧня ке мосъем предприятие вань. 30-лэсь но уно пригородной дача автобус маршрутъёс арлы быдэ тулысэн-гужемен ужало.

[[2010 ар|2010-тӥ арысен]] пассажиръёс транспортной картаен мынонэз тырыны быгато. [[2015 ар|2015-тӥ арысен]] мерлыко транспортэн огпала мынон сылэ 20 манет.

'''Чугун сюрес транспорт'''

[[Ижевск станция|Ижевск станцилэн вокзалэз]] — Ижкарлэн валтӥсь чугун сюрес ӟезьыез. Озьы ик кык чугун сюрес станция карын ужа — [[Заводской станция|Заводской]] но [[Поӟым станция|Поӟым]]. Соос интыяськемын промышленной ёросъёсын.

'''Автомобиль транспорт'''

Иж кар пыр Е 22 автомобиль сюрес кыстӥське. Озьы ик куинь бадӟым сюресъёс Ижкарын кутско асьсэлэсь маршрутъёссэс: Р320 — [[Алабго]]ысен Ижозь, Р321 — Ижысен [[Глаз]]озь но Р322 — Ижысен [[Сарапул]]озь.

Со сяна Иж кар герӟамын автобус сюресъёстӥ таӵе каръёсын: [[Кузон]], [[Уфа]], [[Пермь]], [[Екатеринбург]], [[Оренбург]], [[Челябинск]], [[Самара]], [[Чебоксары]] но трос мукетъёсыз. Шор автовокзал но лымшор автостанция карын ужало.

'''Лобан транспорт'''

Иж карын одӥг нимъем аэропорт вань. Со [[Дэри черкогурт]]лы матын интыяськемын. Ижевск аэропорт луэ Удмуртиысь одӥг гинэ аэропорт. Валтӥсь но одӥг гинэ аэродромен кивалтӥсь компания луэ «Ижавиа» авиакомпания. Самолётъёс лобалляло Ижысен [[Муско]]озь, [[Санкт-Петербург]]озь, Пермаозь, куддыръя Кузон, [[Сочи]], [[Анапа]], [[Баку]], [[Ереван]] дорозь.

'''Ву транспорт'''

Гужембыт [[Иж тымет]] вылын шур трамвайлэн маршрутэз ужа «Ижевск» пыжвозьманысен «Воложка» пыжвозьманозь. Та маршрут кивалтӥське «ИжГорЭлектроТранс» МУП-эн.

== Сӥё-дано адямиос ==
Ижкар городлэн дано адямиосыз:
* [[Калашников, Михаил Тимофеевич|М. Т. Калашников]], 
* [[Кулакова, Галина Алексеевна|Г. А. Кулакова]], 
* [[Мамонтов, Анатолий Васильевич|А. В. Мамонтов]], 
* [[Е. В. Черных]], 
* [[В. М. Белобородов]], 
* [[Перевощикова, Александра Ивановна|А. И. Перевощикова]], 
* [[М. Е. Зыков]], 
* [[Е. Г. Одиянков]], 
* [[Н. А. Ушаков]], 
* Е.Ф. Шумилов,
но мукет.

== Галерея ==
<gallery>
Church-Izhevsk.jpg
Udmurt State University-25.jpg|[[Удмурт кун университет]]
Friendship (Izhevsk).jpg
Зоопарк иж вход.JPG|[[Удмуртиысь зоопарк|Зоопарк]]
</gallery>

== Чӧлсконъёс ==
{{Commonscat|Izhevsk}}
* {{ref-ru}} [http://udmurtology.narod.ru/directory/#izhnet Удмурт кыл но шаер тодон каталог: Иж]

{{Удмуртия}}

[[Категория:Удмуртиысь каръёс]]
[[Категория:Иж| ]]