Осипов, Борис Иванович

Бори́с Ива́нович О́сипов – ӟуч кылчи. Ужамын Барнаул но Шуя педагогика институтъёсын, 11 ар ӵоже ужаз Удмурт кун университетлэн филологияя факультетаз. 1986 арысен ужа Омск кун университетын огъя кылтодонъя кафедраын профессор но (1987 арысен) кивалтӥсь луыса, 1987–1992 – филологияя факультетысь декан.

Осипов тунсыкъяське фонетикалэн но орфографилэн огъя ужпумъёсынызы, кылъёслэн кусыпъёсынызы, кар просторечиен. Ваньмыз сямен ужъёсыз сӥземын ӟуч кыллы, озьы ке но, Осипов саклык висъялляз удмурт кылтодонлэн куд-ог ужпумъёсызлы но. Кылсярысь, 1992 аре потэм статьяяз со юан пуктӥз: кызьы-о фонетика ласянь воштӥсько туала ӟуч кылъёс, удмурт кылэ пырыса? Со сяна, уно аръёс ӵоже со кивалтӥз Удмурт университетысь экспериментальной фонетикая лабораториен. Осипов – ог кык сю наука ужъёслэн авторзы, соос пӧлын ог дас вить книгаос (монографиос, пособиос но мукет).

Наука ужъёс сяна, Осипов усто кылбуръёс но гожъя.