Псков:версиослэн висъяськемзы

Википедиысь материал
Пушкесэз ӵушемын Пушкесэз ватсамын
Palezik (вераськон | Ваёсъёс)
Создано переводом страницы «Псков»
(пӧртэмлыкез ӧвӧл)

06:19, 7 Куарусёнэ 2015 выллем версия

Псков кремль

Псков — Россилэн уйпал-шундыпуксёнысьтыз кар (903-ти арысен), Псков улослэн но Псков ёрослэн административной центрез. Интыяське Великая но Пскова шуръёслэн огазе луонзы дорын.  

Псков — Россиысь одигез вашкалаез кар. Нырысети гожъямъёс со сярысь 903-ти арысен кылемын Лаврентьев летописьын. 1348-ти—1510-ти аръёсы - эрико Псков элькунлэн шоркарез. 1510-ти арын герзамын Быдзым Москва княжествоен. XVIII даурлэн кутсконозяз Псков Россиысь но Европаысь одигез бадзымез кар вал, утиськон но вузкарон центр. Псков крепость, кудаз 5 крепостной кульчоос пыро (туннэ нуналлы соос полысь куинез возиськемын), карез киултонтэм кариз. Трос дауръем историяз Псков чемысь ожъёслэн центрзы луылиз, но огпол гинэ киултэмын вал, кыкез но дунневыл войнаос вакытэ оккупациосыз лыдъятэк.  Санкт-Петербург  кылдэм бере Псков кивалтись интызэ ыштиз, нош куке Уйпал ож бере кунгожъёс кыдёке шундыпуксён пала кошкизы (Россия пушкы пыризы Рига но Ревель - али Таллин), Псков утиськон но вузкарон центр сямен но кулэ оз ни луы.  Быдзым Атыкай ож дыръя город 3 ар чоже Германиен оккупировать каремын вал, со дыр чоже 3,5 сюрс огшоры улисьёс быризы. 2009-ти арын толсуре Псковлы «Город воинской славы»[1] ним сётэмын.

Улисьёслэн лыдзы — 207 571[2] мурт (2015).

Псков — Псков улослэн но Россилэн уйпал-шундыпуксёнысьтыз валтись туризмъя центр. Троицкой черк, Псков крепость, Мирож монастырь, Поганкин палатаос, Псковысь вашкала черкъёс Росси Федерацилэн лулчеберет наследиезъя лыдметэ пыро. 

Нимызлэн кылдэмез

Карлэн нимыз герзаськемын гидронимен — Пскова шурен. Вань портэм версиос шурлэн но карлэн нимъёссы пумысен. Одигезъя соос полысь - славян теорияя - Пьсков (Плесков, Пльсков) ним кылдэ вашкала зуч «плесъ» кыллэсь — шурлэн люкетэз яке «песок» кыллэсь. Мукет версияя - прибалтийско-финской — piskava (лив кылын), piskva, pihkva (эстон кылын) - сиро ву; возьматэ вашкала дыръёсысен карын портэм калыкъёслэсь улэмзэс. Гидронимлэн мукет валэктонъёсыз - «плеск», «блеск», «чорыго шур», «песок». Археологъёс тодизы, Псковын X—XI дауръёсы славянъёслэн выжыоссы — псков кривичъёс, но прибалтийско-финской, балтской но скандинавской племяос улизы шуыса[3][4].

Ольга часовня Александр Невскийлы но солэн дружинаезлы синпелет Собор Рождества Иоанна Предтечи Стена Довмонтова города
Тодмотэм солдатлэн шайгуэз
Псковез мозмытисьёслы сизем синпелет — Т-34 танк
Жилое высотное здание, сдано в 2011 году Церковь Веры, Надежды, Любови и матери их Софии, освящена в 2012 году

Примечания