Екатеринбург

Екатеринбу́рг (1924-тӥ арысен 1991-тӥ арозь – Свердло́вск) – Свердловской областьлэн шоркарез. Улӥсь калыклэн лыдызъя Россиысь ньылетӥ кар луэ (Муско, Санкт-Петербург но Новосибирск бере). Транссибирской магистральлэн транспортно-логистической ёзэз луэ.

Екатеринбург – Урал улослэн кивалтон, лулчеберет, дышетонъя центрез, Урал федерал округлэн шоркарез.

Екатеринбурглэн историез

Карлэн азинскон сюресэз заводъёслэн ужаменыз герӟаськемын.

Интыяськемез

Екатеринбург Евразиялэн шораз интыськемын, люке Европаез но Азиез, Мусколэсь 1667 искемлы палэнын сылэ.

Кар интыяськемын Урал гурезьёс дорын, Исеть шурлэн ярдураз. Городлэн музъем вылаз 4 тымет лэсьтэмын – Верх-Исетской, Городской, Парковой и Нижне-Исетской. Озьы ик кык тыез вань – Шарташ но Шувакиш.

Город люкемын сизьым административной ёрослы: Верх-Исетской, Железнодорожной, Орджоникидзевской, Кировской, Чкаловской, Ленинской. Екатеринбурглэн исторической люкетэз люкемын вань ёросъёс куспын – соин со мукет городъёслэсь висъяське.

Кивалтэт

Екатеринбурглэн Администрациез интыяськемын 1905-ти арлэн карлудын.

Карен кивалтэ мэр но Кар дума.

Свердловской областлэн кивалтэт органъёсыз луо – губернатор, Правительство но Законодательной Собрание.

Екатерибургын Урал федерал округлэн кивалтэтэз но Приволжско-Уральской военной округлэн штабез интыяськемын.

Экономика

2008-тӥ арын 120 000 предприятиос но организациос лыдъясько вал, тужгес бадӟым корпорациос пӧлысь луо – «Уралсвязьинформ», «МРСК Урала», «Энел ОГК-5», «Сталепромышленная компания», «Русская медна компания», «Свердловскэнергосбыт», «Калина» концерн.

Транспорт

Екатеринбург пыр 6 федерал машина сюресъёс, 7 магистральной чугун сюресъёс ортчо. Калыккуспо аэропортэз вань.

Вылӥ дышетсконниос

• Б.Н. Елицин нимо Уральской федеральной университет (азьвыл УГТУ-али УПИ)
• А.М. Горький нимо Уральской государственной университет (УрГУ)
• Уральской государственной горной университет (УГГУ)
• Уральской государственной экономической университет (УрГЭУ-СИНХ)
• Российской государственной профессионально-педагогической университет (РГППУ)
• Уральской государственной педагогической университет (УрГПУ)
• Уральской государственной лесотехнической университет (УГЛТУ)
• Уральской государственной чугун сюресъёсъя университет (УрГУПС)
• Уральской государственной медицинской академия (УГМА)
• Уральской государственной юридической академия (УрГЮА)
• Уральской государственной сельскохозяйственной академия (УрГСХА)
• Уральской государственной архитектурно-художественной академия (УралГАХА)
• Екатеринбургской государственной театральной институт (ЕГТИ)
• Уральский юридической институт (УрЮИ)
• Екатеринбургской военной институт (ЕВАКУ)
• М. П. Мусоргский нимо Уральскоя государственноя консерватория (УГК)

Екатерибургын Россиысь наукаосъя академилэн Урал ёзэз интыськемын.

Лулчеберет

Карын ог сю пала библиотекаос но ог витьтон музейёс, музыкальной комедилэн, драмая, егит учкисьлэн, мунё театръёс ужало.

Куать сю пала исторической синпелетъёс лыдъясько: 1905-тӥ арлэн карлудэз, Исторической сквер, Вир-вылын-Храм, Урал консерватория, Росторгуев-Харитоновёслэн, Малаховёслэн, Зотовёслэн улон коркаоссы, Вознесенской черк но мукет юртъёс.