Мункачи, Бернат

Бернат Мункачи

Бе́рнат Му́нкачи (венг. Munkácsi Bernát ) вордӥськиз 12 ноябре 1860 аре Австрия империысь Надьварад городын (али — Орадя кар Румыниын ); кулӥз 21 сентябре 1937 аре Будапештын. венгер кылчи, этнограф, литературовед, фольклорист. Выжыезъя еврей; азьвыл фамилиез — Мунк.

Венгриысь Наукая академиысь сотрудник, 360-лэсь ятыр ужъёслэн авторзы, та ужъёс пӧлын монографиос, статьяос, рецензиос, кылбугоръёс, венгер, манси, удмурт, бигер, осетин кылъёсъя но калыкъёслэн фольклорзылы но диалектологизылы сӥзем публикациос.

1885 аре Мункачи Ватка но Уфа губерняосысь куать утемъёсы удмуртъёс доры вуылӥз. 1915–16 аръёсы Эстергом дорысь лагерьын (Венгриын) 25 пленэ шедем удмурт солдатъёслэсь фольклоръя-диалектологияя материалъёс люказ.

Мункачи шунды пуксён пал Европаысь учёнойёслы удмуртъёслэн этнографизы, фольклорзы, пӧртэм диалектъёссы сярысь узыр номырин мертаны луонтэм дуно фактической материал сётӥз.

Ужъёсыз

• Votják nyelvmutatványok. Ugor füzetek 5., Budapest, 1884.
• Votják népköltészeti hagyományok., Budapest, 1887.
• A votják nyelv szótára., Budapest, 1890–1896.
• Vogul népköltési gyűjtemény. köt I-IV., Budapest, 1892, 1892, 1893, 1896. (A jegyzeteket tartalmazó 2. kötetek megjelenési évei: 1902, 1910, 1952, 1963 &ndash ; az utóbbi kettőt Kálmán Béla rendezte sajtó alá; a II. részhez egy 3. kötet is megjelent 1921-ben.)
• A vogul nyelvjárások szóragozásukban ismertetve., Budapest, 1894.
• Déli osztják szójegyzék. (Pápai Károly gyűjtése alapján). Ugor füzetek 12., Budapest, 1896.
• Árja és kaukázusi elemek a finn–magyar nyelvekben I., Budapest, 1901.
• Volksbräuche und Volksdichtung der Wotjaken., MSFOu 102. Herausgeben von D. R. Fuchs, Helsinki, 1952.

Ссылкаос но литература

• Бернат Мункачи (БСЭ)
• Munkácsi N. Egy nagy magyar nyelvész. I.M.I.T Kiadása, Budapest, 1943
• Kálmán B., Munkácsi Bernát emlékezete, «Magyar Tud. Akad. Nyelv- és Irodalomtudományi Osztályának Közleményei», 1960, 16 köt., №1—4
• Kálmán B. Munkácsi Bernát. A múlt magyar tudósai. Akadémiai Kiadó, Budapest, 1981
• Венгерские учёные и пермская филология., Устинов, 1987
• Уваров А. Н. Подарок Мункачи., Ижевск, 1983