Алнаш

Википедиысь материал
Алнаш черкогурт» бамысь кудланьтэмын)
Черкогурт
Алнаш
Алнаш
56°11′ с. ш. 52°28′ в. д.HGЯO
Кун Россия
Историез но географиез
Нырысьсэ тодэ уськытон 1710
Шоринтылэн ӝуждалаез 120 метр
Часовой пояс UTC+04:00[d]
Улӥсез
Улӥсез
Официальной кылыз Удмурт кыл и ӟуч кыл
Лыдпусо тодметъёс
Телефон кодэз +7 34150
Почта интыпусэз 427880
Показать/скрыть карты
Алнаш на карте
Алнаш
Алнаш
Логотип Викисклада Медиафайлы на Викискладе

Алнаш — удмурт черкогурт, Алнаш ёрослэн шорсюлмыз.

Со интыяськемын Удмурт шаерлэн лымшор палаз. Ӵапак отӥ Алнашка но Туймы шуръёслэн вуоссы огинэ ӧръясько. Шулдыр черкогуртын улэ-вылэ ог 6 сюрс 765 адями.

История[Тупатыны | бамлэсь кодзэ тупатоно]

Та черкогуртлэн кылдэмез герӟаськемын 1751-тӥ арен. 31-тӥ июне отын усьтӥськиз приход. 1761-тӥ арын вераськон ӝутӥськиз пу черк пуктон сярысь. 1763-тӥ арын 20-тӥ мае выль вӧсяськон интыез усьтӥзы, вӧсям вуэн пазязы, Дун-чылкыт Тройчалэсь нимзэ сётӥзы. Оло, соин но куд-огез Алнашез Троицкий, Тройча нималля.

1791-тӥ арозь та черкогурт Кузон епархилэн бур улаз лыдъяськылӥз. Нош 1791-тӥ арын выжиз Ватка епархие. 1796-тӥ арын, Алабуго уездысь волостьёсты люкылыку, кылдӥз Асаново волость. Бӧрысь кылдӥз Алнаш волость, шорсюлмыз — Алнаш черкогурт.

1815-тӥ арын Алнашын излэсь черк пуктоно кариськизы. Выль вӧсяськон инты ӧсъёссэ вӧлъяз 1922-тӥ арын.

1859-тӥ арын лыдъян-чотан ортчытэм бере тодмо луэм: со вакытэ Алнашын 62 коркан 187 воргорон но 238 кышномурт улэм. 1897-тӥ арын черкогуртын 804 мурт улӥсез кылдэм ини. Татын кык пызь изон вукозы вылэм.

1867-тӥ арын усьтӥллям земской школа.

1921-тӥ арын Алнаш волостез выжтӥзы Можга уездэ. 1929-тӥ арын кылдӥз Алнаш ёрос, шорсюлмыз — Алнаш черкогурт.

Транспорт[Тупатыны | бамлэсь кодзэ тупатоно]

Алнаш пыр кошке Муское нуись федерал сюрес Р320, 12 километрлы палэнэтӥгес ортче Огырчие нуись чугун сюрес. Та сяна, Алнашлэсь 5 километрлы палэнэтӥгес читыр-чутыр кошке Екатерина II императрицалэн трактэз.

Галерея[Тупатыны | бамлэсь кодзэ тупатоно]

  1. https://web.archive.org/web/20170731141731/http://www.gks.ru/free_doc/doc_2017/bul_dr/mun_obr2017.rar