Артамонов, Альфред Александрович

Википедиысь материал
Перейти к навигации Перейти к поиску
Альфред Александрович Артамонов
Вордӥськон нуналэз:

5-тӥ толшоре 1935(1935-01-05)

Вордӥськон интыез:

Ижкар, УАССР, Киров шаер, РСФСР, СССР

Кулон нуналэз:

9-тӥ коньывуонэ 2013(2013-10-09) (78 ар)

Альфред Александрович Артамонов — УАССР-ысь культура удысысь дано ужась (1986), Россия Федерациысь культура удысысь дано ужась (1996), ИТАР-ТАСС-лэн Удмуртиысь собкорез, телевидение но радио удысъёсысь отличник (1985) — вордӥськиз 5-тӥ январе 1935-тӥ арын Ижкарын.

Йылпумъяз Ижысь педучилищеез (1954), ЦКШ-ысь егитъёслэн прессазылы сӥзем ёзэз (1956), УГПИ-ысь историяя факультетэз (1964).

1957-тӥ-1962-тӥ аръёсы ужаз «Комсомолец Удмуртии» газетын. Нырысь литсотрудник вал, бӧрысь отделэн кивалтӥсе пуктӥзы. 1958-тӥ арын Альфред Александровичез пырто Россиысь Журналистъёслэн союзазы.

1962-тӥ-1997-тӥ аръёсы тыршиз Ижысь телевидениын. Дасялляз но нуылӥз «День республики», «Телевизионная неделя», «Ижевск вечерний», «Вам отвечают…», «Адрес: правительство», «Время торопит», «Что было, то было» но мукет передачаосты. Артамонов 40 телефильмлэн авторез луэ.

1972-тӥ-1992-тӥ аръёсы «Правда» газетлэн внештатной корреспондентэз кариське. Отын 700-лэсь ятыр пӧртэм пуштросъем ужъёссэ печатла. 1989-тӥ арын ИТАР-ТАСС-лэн собкорез луэ. Поттэ 11 книгазэ: «Подвиг не кончается» (1975), «Подвиг стюардессы» (1990), «Кто зажигает звёзды» (1987) но мукет.