Бадретдинов, Ульфат Шайхутдинович

Википедиысь материал
Бадретдинов, Ульфат» бамысь кудланьтэмын)
Ульфат Шайхутдинович Бадретдинов
Ужан удысэз: Ошибка Lua в Модуль:Wikidata/item на строке 87: attempt to call field 'wrapSnak' (a nil value).
Вордӥськем нуналыз: 21-тӥ толшоре 1957({{padleft:1957|4|0}}-{{padleft:1|2|0}}-{{padleft:21|2|0}}) (67 лет)
Вордӥськем интыез: Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value).
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).

Ульфа́т Шайхутди́нович Бадретди́нов (1957-тӥ арын 21-тӥ толшоре Башкирия Бураево ёрос Алтау (Алтаево)) — удмурт прозаик, журналист. «Кизили» удмурт нылпи журналлэн валтӥсь редакторез.

Улон сюресэз[Тупатыны | бамлэсь кодзэ тупатоно]

Дышетскемез[Тупатыны | бамлэсь кодзэ тупатоно]

Тямыс аръем школаез йылпумъяса, 1972-тӥ арын Можгаысь педучилищее пыриз. Дышетскемъяз литературно-художественной кружоке ветлӥз, ӵапак соку соин кивалтӥзы гожъяськисьёс Григорий Данилов но Николай Байтеряков. Со вакытэ ик Ульфат Бадретдинов гожтэ аслэсьтыз нырысетӥ веросъёссэ. Соос печатламын вал «Советской Удмуртия», «Дась лу!» газетъёсын, «Молот» журналын. «Дась лу!» газетэн автор нырысьсэ тодматске 1969-тӥ арын, туж мыло-кыдо ужась юнкор луэ.

Училищеез йылпумъямез бере, ас гуртаз дышетӥсь луыса ужаз. Армиысь бертыса, кык ар Большой Качакысь шор ёзо школаын тыршиз (Башкирия, Калтаси ёрос). Удмурт кун университетлэн филология факультетлэн заочной люкетаз дышетскыны пыриз.

Ужамез[Тупатыны | бамлэсь кодзэ тупатоно]

1982-тӥ арын «Советской Удмуртия» газетэ ужаны кариськиз. 1990—1992-ти аръёсы «Инвожо» журналлэн валтӥсь редакторезлэн воштӥсез вал. 1992-тӥ арын куарусён толэзьысен «Кизили» журналын — валтӥсь редакторлэн кивоштӥсез, 1995-тӥ арын пӧсьтолэзе — валтӥсь редакторез. 2000-тӥ арысен Россиысь гожъяськисьёслэн огазеяськоназы (СП РФ) пыриз.

Гожъямъёсыз[Тупатыны | бамлэсь кодзэ тупатоно]

Егит лыдӟисьлы Бадретдинов ас музъемзэ, дорзэ гажан мылкыд пыӵатэ, тодон-валан люканы дышетэ. Лыдӟисез но азьтэм луыны кулэ ӧвӧл — мед со тунсыкъяськоз котыр дуннеен, выжыосыныз, инкуазь радъяськемен. Книгаосыз чакламын школае ветлӥсь пичи но шоро-куспо арлыдо пиналъёслы. Прозаик бадӟым саклык висъя нылпиез дышетонлы, морально-этической дунъетъёслы, ас семьядэ, ӵыжы-выжыостэ, бускельёстэ, гуртоостэ, музъемдэ но вордӥськем палъёстэ гажанлы.

1988-тӥ арын поттӥз веросъёсын нырысетӥ сборниксэ — «Сяська сюлэмын но жужа». Татчы 14 верос пыремын, ваньзы соос вакчиесь, нылпилы чебер инкуазь дуннеез усьто, малы ке но дышето, визьнодало. «Кытын ти, фаэтъёс?» веросэз фантастика амалэн гожтэмын. Инсьӧрысь вуэм муртъёслэн улон мадёссы верамын, атомной кужымез урод малпанъёсын уже кутэмен сэрен планетазы пуштӥз, вань улисьёсыз быризы. Автор геройёсыз пыр адямиос шоры возьматэ кадь. Юанъёс пуктэ: малы адями сётэм инкуазез уг утьы, малы тодон-валанэз кулэтэм оре кыске, кин кыл кутоз асьме понна? Асьсэос ик адямиос, пиналлы тае визьматыны турттэ кадь автор. Радиация, пӧртэм шуге-леке сюронъёс мед милемыз палэнтозы!

Азьланяз эшшо потылӥзы на таӵе книгаосыз: «Мар луоз ӵуказе?» (Ижевск, 1991), «Мар со кадик?» (1994).

«Мар луоз ӵуказе?» сборникын веросъёс но пьесаез печатласько. «Алтау усьтэ синъёссэ» маде: кык пичи пиос сэрттыны туртто гуртсылэсь нимзэ, пӧрмемзэ, кылдэмзэ. Бигер кылысь со «горд гурезь» шуыса берыктиське, пе. «Чагы пӧсьтурын» веросын автор юмор амалэн шудэ. Серемес но, тунсыко но таӵе гожтосэн тодматскыны. «Кыче тон, Витя» пьесаез потэмын, озьы ик куд-ог азьлогес печатлам ужъёсыз («Велосипед» но мукет).

«Мар со кадик?» — пиналъёслы яркыт бадӟым книга, Александр Абрамовлэн суредъёсыныз чеберъямын. Татчы пыремын куд-ог печатлам веросъёс, озьы ик выльёсыз: «Дыртӥсь Эльза», «Кужмо… ӵужкушманъёс», «Юн кор» но мукет. «Юный корреспондент» кылэн шудон пример вылын но адӟиськом авторлэсь кылэз шӧдэмзэ, юморен гожъяськыны быгатэмзэ, дуннеез шулдыр синмын учкемзэ.

1993-тӥ арын «Кенеш» журналын «Ӵушъял вордӥське веньёстэк» повестез потэ.

1997-тӥ арын «Удмуртия» издательствоын «Ӧте…» нимо пичи классъёсын дышетскись пиналъёслы сценкаосын но сценарийёсын книга дасямын. Суредъёссэ быдэстэ «Кизили» журналысь нылпиослэн яратоно суредасьсы Василий Мустаев. Татын пӧртэм сценкаос, нотаосын кырӟанъёсын сценарийёс, Выль арез пумитаны «Дырез юбое уд думы» чебер кыз котырын шудон потӥзы. Со арын ик ас уксёеныз «Серекъян — адскисьтэм кужым» юморескаосын сборник печатла. Суредъёссэ дася тодмо суредась но архитектор К. Галиханов. Та книгаын озьы ик азьланьтӥське удмурт гурт, семья, будон сюрес, ӵошен тупаса улон тема. 2000-тӥ арын «Инвожо» журналын «Шордӥн» автобиографи повестез потэ. Со книга потэмын нимаз ӟуч берыктэмен но (берыктӥз А. Демьянов) — «Шордин, седцевина моя зоревая» (2004).

2002-тӥ арын У. Бадретдинов лыдӟись дорозь «Пальпотон но малпаськон» аспӧртэм сборниксэ вуттэ. Веросъёсыз, сценкаосыз но кылбуръёсыз малпаськыто, визез ужато. Та книгаез дышетскон пособие кадь но уже кутыны луэ. Кылсярысь, «Лобо луд ӟазегъёс», «Эдгарлэн часэз» веросъёс (соос загадкаос кадь, пумазы юан кылдэ). «Ульчаын» сценка сюресъёстӥ мынон правилоосты сӥлы карыны дышетэ, сюрес вылын сак луыны косэ. «Эшъёсы-букваосы» сценка умой луоз азбукаез, гожъяськонэз дышетыны кутскись пиналъёслы, сое озьы ик дышетисьёс уже кутыны быгатозы.

Берпуметӥ потэм книгаез — «Ӵушъял вордиське веньёстэк», Ижевск, «Удмуртия», 2007 — повестьёсты, веросъёсты, пьесаосты люка. Та зӧк синмаськымон книгаын вужъёсыз но, выльёсыз ужъёс потӥзы.

Писатель туннэ нуналэ но туж чырмыт гожъяське «Кизили», «Инвожо», «Кенеш» журналъёсы. Куд-ог произведениосыз ӟуч, коми, коми-пермяк, башкир, бигер кылъёсы берыктэмын, кӧняез ке «Мурзилка», «Миша», «Вилы» журналъёсын печатламын, учебникъёсы но пособиосы пыртэмын.

Ужъёсыз сярысь[Тупатыны | бамлэсь кодзэ тупатоно]

Лаптев А. Ӝужалоз-а сяськаез? // Сов. Удмуртия. 1988. 5 мая.

Сергеев В. Следующая книга — впереди // Удм. правда. 1988. 9 июня.

Хайдаров Р. Эшъесы-юлтошъёсы // Сов. Удмуртия. 1990. 3 июня.

Лаптев А. Улӟозы-а мертосъёс? // Дась лу!. 1991. 18 дек.

Ходырев Г. Тау тыныд, Алтау калык! // Удмурт дунне. 1993. 26 мая.

Смирнов В. Чузъясько чингыли куараос // Ӟечбур!1996.14 марта.

Ходырева И. Синмаськымон кузьым // Вордскем кыл. 1996. № 3.С. 22-23.

Рашит Хайдар. Саке шедиз «САК» //Удмурт дунне. 1997. 6 сент.

Тихонова Л. Адӟиське-а серекъянлэн кужымез? //Удмурт дунне. 1997. 27 нояб.

Зайцева Т. Туала нылпи проза сярысь коня ке малпанъёс //Кенеш. 2000. № 8.С.58-61

Зайцева Т. Современная удмуртская детская проза // Финно-угристика на пороге третьего тысячелетия. Саранск, 2000.С.395-397.

Лаптев А. Малпаськон гизьыез улӟыто // Ӟечбур! 2002. 29 августа.

Зайцева Т. Туала нылпи прозалэн азинскемез // Движение эпохи — движение литературы. Удмуртская литература двадцатого века: Учебное пособие для студентов, обучающихся по филологическим специальностям. Ижевск: Издательский дом «Удмуртский университет», 2002. С. 236—244 .

Лаптев А. Выль книгаос // Ӟечбур! 2004.17 июня.

Перевощикова М. Путешествие в шордин // Удм. правда. 2004. 21 июля.

Зайцева Т. Духовные начала творчества: к проблеме развития современной мемуарно-биографической прозы // Современная удмуртская проза. Ижевск, 2006. С. 139—141.

Зайцева Т. Понять ребенка: об удмуртских книгах для детей.// Современная удмуртская проза. Ижевск, 2006. С. 155—159.

Романова Г., Зайцева Т. Нылпиосын но нылпиослы. Ульфат Бадретдиновлы — 50. // Кенеш. 2007. № 1. С.92-95.

Хайдаров Р. Пальыштыклэн эшез. // Удмурт дунне. 2007. 17 января.

Харисова Т. «Ӵушъял вордиське веньестэк».// Ошмес. 2008. 31 января.

Чолсконъёс[Тупатыны | бамлэсь кодзэ тупатоно]

Йоскалык лыдзиськоннилэн сайтаз (PDF)