Батуев, Павел Алексеевич

Википедиысь материал
Навигация доры потоно Утчан доры потоно
Павел Алексеевич Батуев
Ужъёсыз:

драматург, дышетӥсь

Вордӥськон нуналэз:

18-тӥ инвожое 1891(1891-06-18)

Вордӥськон интыез:

Кейшур гурт, Малмыж утем, Ватка губерния

Кулон нуналэз:

1966(1966)

Кулон интыез:

Ижкар, УАССР, РСФСР, СССР

«Викитекалэн» логотипез
Та авторлэн произведениосыз Викитекаын вань. → Павел Алексеевич Батуев

Павел Алексеевич Батуев (псевдонимез — Марксистский) — удмурт совето драматургилы кутскон сётӥсьёс пӧлысь одӥгез.

1891-тӥ арын 18-тӥ инвожое[1] Ува ёросысь Кейшур гуртын куанер улӥсь семьяын вордскемын. Сям-Можгалан приходской школаын дышетскем бераз, 12 аресысен медъяськыса ужа, пул пиле. Таӵе ужын сое салдатэ басьтытозь адӟиськом. 1912-тӥ арын эксэйлэн армияз шедьыса, ваньмылон дыръяз, службаын тодэм-валамъёссэ будэтыны вылысь, пӧртэм книгаос лыдӟылэ. Февраль революция вылтӥ со Герман фронтын вал. Октябрь революция дыръя ас гуртаз вадсаське, отын сое ожгар комиссаре быръё.

Ижкарысь тӧдьыос ӝутскемен, со арест улэ шедьылэ, сое Иже вуттыло. Тӧдьыосыз вормем бере, П. А. Батуев 1918-тӥ арын Сям-Можгалан РКП(б) партилэсь ячейказэ кылдытэ, ачиз но соку партие пыре. Вуоно араз со ас мылкыд каремезъя Горд армие мынэ. Отын Малмыж роталэн старшинаез луэ. 1919-тӥ арын куарусён толэзе Ваткаын политрук кариське, удмурт гордармеецъёс пӧлын ужа, удмурт драматической группа кылдытэ, «Дезертирлэн вӧтамез» нимо пьеса гожтэ.

Со аръёсын Марксистскийлэн гожтэм пьесаосыз уно вылэм, соосыз Ватка карын шудылӥллям. Одӥгзэ гинэ печатать кариллям, отӥез сутскыны шедем.

Удмурт область кылдэм дырысен Марксистский луэ Глаз утемысь ревкомлэн ёзчиез. Со куспын ик театрын но ужа. Собере сое Сьӧлтала ысто, отын со укомын но уисполкомын ужа. 1927—1931 аръёсын Иж заводын слесарь луэ. Мастерскоязы 1928-тӥ арын, удмурт ужасьёсыз огазеяса, ударной бригада кылдытэ. Собере дышетӥсь ужпуме кутске, школаын дышетэ.

Кулэмын 1966-тӥ аре Иж карын[1].

Валэктонъёс[Тупатыны | вики-текстэз тупатыны]

  1. 1,0 1,1 Удмурт Элькун: Энциклопедия / гл. ред. В. В. Туганаев. — 2-е изд., испр. и доп. — Ижевск : Удмуртия, 2008. — С. 465. — 2200 экз.