Бернар, Сара

Википедиысь материал
Сара Бернар
Вордӥськыкуз сётэм нымыз: фр. Rosine Bernardt
фр. Henriette-Marie-Sarah Bernardt
фр. Sara Marie Henriette Bernhardt[1]
Ужан удысэз: Ошибка Lua в Модуль:Wikidata/item на строке 87: attempt to call field 'wrapSnak' (a nil value).
Вордӥськем нуналыз: 23-тӥ коньывуонэ 1844({{padleft:1844|4|0}}-{{padleft:10|2|0}}-{{padleft:23|2|0}})[2][3][4]
Вордӥськем интыез: Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value).
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Кулон нуналыз: 26-тӥ южтолэзе 1923({{padleft:1923|4|0}}-{{padleft:3|2|0}}-{{padleft:26|2|0}})[5][6][1] (78 лет)
Кулон интыез: Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value).
Автографез: Ошибка Lua в Модуль:Wikidata на строке 219: Функция для отображения значения не найдена..
Логотип Викисклада Сара Бернар Викискладын

Сара Бернар (фр. Sarah Bernhardt; зэмос нимыз — Генриетт Розин Бернар, фр. Henriette Rosine Bernard; 22 коньывуон 1844 — 26 южтолэзь 1923) — француз актриса, кудзэ XX-тӥ даурлэн кутсконаз нималлязы «тужгес но тодмо актриса быдэс историын». Тодмо луиз со Европалэн сцена вылаз 1870-тӥ аръёсы, собере гастрольёсын шудылӥз Америкаын но. Тросгес шудылӥз драматической сценаосын, соин ик сое нимазы «Божественная Сара».

Улон но творческой сюресэз[Тупатыны | бамлэсь кодзэ тупатоно]

Сара Бернар вордскиз 22-тӥ коньывуонэ 1844 арын Парижын. Анаез — Юдифь (собере со Юлия луиз) Бернар (1821, Амстердам — 1876, Париж) вордскиз еврей семьяын но вал коммивояжёрлэн Мориц Барух Бернардтлэн но Сара Гиршлэн (1727-1829) нылзы. 1835 арысен Юдифез, ньыль сузэрзэ но братсэ будэтӥз сюранайзы — Сара Кинсберген (1809-1878). Атаез сярысь номыр но тодмо ӧвӧл. Куддыръя соин лыдъяло Поль Моремез, француз флотысь офицерез. Мукетъёыз малпало Эдуард Бернарез, егит адвокатэз.

Францие вуэмзылэсь азьло Юдифь ужа вал модистка луыса. Но Парижын со луиз куртизанка. Вордскем нылыз люкетӥз солы тазьы улыны, соин ик со Сараез келяз Англие, кытын со улӥз няняен. Со отын кыльысал, дыр, быдэ вуытозяз, но соин шудтэм учыр луиз: няняез кельтӥз Сараез огназэ аслаз кузпалэныз (кудӥз инвалид вал), Сара креслоысьтыз потӥз но камин доры вуиз. Дэремез ӝуаны кутскем. Бускельёссы юрттӥллям пичи нылашез мозмытыны. Со дыре Саралэн анаез Европаетӥ путешествовать каре вылэм аслаз очередной спонсореныз. Сое ӧтизы нылыз доры, со вуиз но нуиз Сараез сьӧз Париже, но вылысен кельтӥз сое выль нянька вылэ. Саралы улыны кылдӥз туж «мрачной» интыын, кытчы ваиз сое няняез. Сара вераськисьтэм луиз, векчиомиз. Но адӟон герӟаз выльысен анаез но нылэз. Куке со пумитаз аслэсьтыз тётязэ (Розинаез), кудӥз озьы ик вал куртизанка, Саралы умойтэм луиз. Солы луиз сыӵе урод, что со усиз няняезлэн киосыз вылысь но тӥяз пыдзэ но кизэ. Анаез сое нуиз сьӧраз но трос аръёс кулэ луизы огназ кылем ныллы тодаз вайыны, мар со анай яратон.

Сара уг быгаты вал гожъяськыны но, лыдӟиськыны но, лыдъяськыны но. Сое ыстӥзы Мадам Фрессардлэн школаяз, кытын со ортчытӥз кык ар. Школаын дышетскыкуз, Сара нырысьсэ шудыны кутскиз спектакльёсын. Одӥгаз спектакльын со адӟиз анайзэ, кудӥзлэн учкемез потӥз нылыз шоры. Саралэн вал нервной приступ, со вунэтӥз вань текстсэ но «сценалэсь кышкан» кылиз соин кулытозэз, мировой слава дыръяз но.

1853 арын Сараез ысто привелигированной частной школае Грандшампе. Коньдон тыре Юдифьлэн выль поклонникез, герцог Морни.

Подросток дыръяз Сара вал туж векчи, котьку кызылӥз. Врачъёс солы вераллязы, со вазь кулоз туберкулёзлэсь шуыса. Сара уй но, нунал но малпаськыны кутске кулон сярысь. Та дыре ик лэсьтэмын туспуктэмъёс, кытын со кылле гробын (со куриз анайзэ гроб басьтыны). Одӥг пол анаез люказ вань родственникъёссэс но эшъёссэс, кудаз ваньзы вуизы одӥг малпанэ: Саралы ӝоггес бызёно. Куке солы верало со сярысь, со учке вылӥе но вера, со сётэмын Инмарлы гинэ шуыса но солэн участез монахиня луыны. Герцог Морни оценить каре та сценаез но ӵектэ Юдифьлы Сараез сётыны консерваторие. Со дыре ик Сара нырысьсэ шеде зэмос спектакле — «Комеди Франсэз» театрын. Та бере солэн улонэз решиться кариське.

13 арескын Сара пыриз Высшей национальной консерваторилэн драматической искусствоя драматической классаз, кудзэ со быдтэ 1862 арын.

Консерваторие пырон понна Саралы сётоно вал комиссия азьын экзамен. Солы дасяськон понна Сара дикциеныз ужаны кутске. Солэн дышетӥсез луэ Александр Дюма (старший). Со дышетэ Сараез характеръёсты кылдытонлы, жестъёсты но куараез уже кутыса. Экзаменын ваньмызлы яра Саралэн куараез, но со пыре дышетскыны, кудӥзлы со вань кужымзэ сётэ. Выпускной экзаменын со басьтэ кыкетӥ приз.

1 куарусёнэ 1862 арын Сара Бернар дебютировать каре «Комеди Франсез» театрын Жан Расинлэн «Ифигения» нимо спектакляз, кудаз со шудэ валтӥсь геронялэсь рользэ. Одӥгез но критик уг синйылты Сараез, кудӥз азьланяз бадӟым кизили луэ. Тросэз малпазы, та актрисалэн нимыз ӝоген афишаосысь ышоз шуыса. Ӝоген Сара кошке «Комеди Франсэз» театрысь. Со отчы берытске, дас ар ортчыса гинэ.

Театрысь кошкемез бере Саралэн улоназ шуг-секытъёс кутско. Со улонэз сярысь трос тодмо ӧвӧл. Тодмо соиз гинэ, та дыре со воштӥз кӧня ке любовникъёссэ. Но куртизанка (анаез сямен) солэн луэмез ӧз поты. 22 толсуре 1864 арын Саралэн вордске пиез, Морис. Атаез вал Анри, принц де Линь. Пизэ сюдон но будэтон сярысь сюлмаськыса, со ужаны кутске «Одеон» театрын, кудӥз вал кыкетӥез значимостезъя театр со вакытэ. Куд-ог рольёсыз бере (кудъёсыз удачноесь ӧй вал) критикъёс сое синйылто «Король Лирысь», кытын со шудӥз Корделияез. Мукетыз успешной ролез луиз «Kean» пьесаын (А. Дюма старшийлэн).

1869 арын актриса шудӥз Занетто (менестрелез) Франсуа Коппелэн «Прохожий» нимо пьесаяз. Та бере со доры вуэ слава. Триумфальной луиз Виктор Гюголэн «Рюи Блазе» пьесаяз Королевалэн ролез, кудзэ со шудӥз 1872 арын.

Ужаз «Комеди Франсез», «Жимниз», «Порт-Сен-Мартен», «Одеон» нимо театръёсын. 1893 арын басьтӥз «Ренессанс» нимо театрез, 1898 арын — «Насьон» театрез, кудӥз собере нимамын вал «Театр Сары Бернар» шуыса. Тросэз тодмо театр удысын тыршисьёс (кылсярысь К. С. Станиславский) Бернарлэсь искусствозэ лыдъязы «образцом технического совершенства».

Тросэз тодмо современникъёс (А. П. Чехов, И. С. Тургенев, А. С. Суворин но Т. Л. Щепкина-Куперник) ӧз шедьтылэ актрисалэсь талантсэ. Тужгес но умойъёсыз рольёсыз: донья Соль («Эрнани» Гюголэн), Маргарита Готье («Дама с камелиями» Дюма пилэн), Теодора («Теодора» Сардулэн), принцесса Грёза, герцог Рейхштадский («Герцог Рейхштадский» но «Орлёнок» Ростанлэн), Гамлет («Гамлет» Шекспирлэн), Лорензаччо («Лорензаччо» Мюсселэн). 1880-тӥ арысен Бернар гастролиосын выступать карылӥз Европаын но Америкаын, Россиын (1881, 1892, 1908-1909) Михайловской театрын но провинциын.

1905 арын Рио-де-Жанейроын Сара Бернар бур пыдзэ повредить кариз, кудзэ 1915 арын вандӥзы. Но Бернар ӧз кельты сценаез. Нырысетӥ Мировой война дыръя но со выступать карылӥз фронтын. 1914 арын сое наградить каризы Почётной легионлэн орденэныз. 1922 арын сцена вылысь кошкиз.

Актриса кулӥз 26 южтолэзе 1923 арын Парижын 78 аресказ. Ватэмын Пер-Лашез нимо кладбищеын.

Валэктонъёс[Тупатыны | бамлэсь кодзэ тупатоно]

  1. 1,0 1,1 Свидетельство о смерти
  2. Bell A. Sarah Bernhardt // Encyclopædia Britannica(неопр.)Encyclopædia Britannica, Inc., 1768.
  3. Sarah Bernhardt (нидерл.)
  4. Internet Movie Database (англ.) — 1990.
  5. Archivio Storico Ricordi — 1808.
  6. Архив изобразительного искусства — 2003.