Боталова Надежда Прохоровна

Википедиысь материал
Перейти к навигации Перейти к поиску

Надежда Прохоровна Боталова вордскиз 15-ӥ коньывуонэ 1959-тӥ арын Можга ёросысь Бадӟым Сибы гуртын. Можгаысь школазэ йылпумъямез бере, 2 ар "Ижмаш" заводын ужаз.

1979-тӥ арын Удмурт кун университетысь кылосбуръя факультетысь удмурт отделенияз пыриз. 1984-тӥ арын, распределение бере, Дэри ёросысь Юбилейной шор ёзо школае ыстӥзы. Отын удмурт кыл, удмурт литература, ӟуч кыл, но ӟуч литература предметъёслы дышетӥз.

1998-тӥ арысен Дышетон удысысь йӧскалык ужпумъёсты тодон-эскеронъя институтын старший научной сотрудник луыса ужа. Надежда Прохоровна "Ӟеч-а, бур-а, удмурт кыл!" учебно-методической комплектлэн авторез луэ. Ужъёсаз ӟучомем нылпиослы удмурт кылэз дышетон ужпумез эскере.

Надежда Прохоровна Удмурт Элькунысь Кун Кенешлэн но Дышетонъя но наукая министерстволэн Почётной грамотаосыныз пусъемын.