Викиавтор сярысь вераськон:Камали~udmwiki

Ильинск черкогурт

Котькуд гуртлэн, адямилэн кадь ик, вань аслаз тусбуез, солы гинэ тупась сямыз, ортчем улон сюресэз. Тани Ильинск черкогурт но висъяське аслаз историеныз, калыкеныз, бадњым арлыдэныз. Уд но оскы, со туж кемалась, ньыль даур талэсь азьло кылдэмын ни вылэм шуыса. Нош нырысь ик синмаськиллям та палъёслы туала Бобья-Уча гурт котырысь вуэм пöйшурасьёс.

Улон интызы соослэн нюко-гопо, вырйыло, гырон-кизён ласянь шуггес вал. Сои ник тросэз семьяос, њеч музъем утчаса, ог дасо иськемъёсы палэнэ кошкизы. Бырйизы нюлэс шортӥ бызись шур дурысь бамез. Со арын ик ӵупизы кöня ке улон коркаос. Гуртсэс Пыжа-Уча шуыса нимазы. Краеведъёслэн валэктэмзыя, «пыш утча» шуэм со. Азьвыл котькуд семья ас понназ одно ик пыш кизёз вал. Солы бырйылӥзы ӵошкыт интыосты, нёжалъёсты.

Арысь аре гуртсы будӥз. Доразы улыны интыяськизы њуч семьяос но: Мошкинъес, Мардасовъес, Мараткановъес, Старковъес но мукетъесыз. Николай Павлович Ложкинлэн верамезъя (вордскемын 1916 арын), солэн атаез, Павел Ефимович, Пыжа-Учае, пе, вуэмын Пермь палась. Дас сизьыметӥ даурын Камидов вынъёс татчы ссылал поттонъя пичигес завод усьтӥзы. Та вакытэгес ик гурт шоры ӝутскиз пу черк. Волостен кивалтӥсьёс выжизы Пыжа-Учае. Озьы гурт Пыжа-Уча шуыса нимаськыны кутскиз.

1923 арын 2 августэ, Выль яке Ильин нунал шуо сое, вуж черклэн интыяз усьтӥськиз мукетыз, излэсь пуктэмез, вӧл-вӧл, бадњым черк. Та нунал пӧрмиз зэмос праздниклы. Пыжа-Учалэсь бадњым ульчазэ тырмытӥзы бускель гуртъёсысь лыктэмъёс. Чебер дӥсьесын, быдэс семьяосын, кин валэн, кудӥз пыдын вуизы выль черкез усьтонэ. Таӵе нуналлы тупатыса, ачиз Екатерина II мудор кузьмам. Черкъя пумен селолэн но нимыз воштӥськиз – Ильинское луиз.

1917 арын татын сю витьтон ёрос коркаос но церковно-приходской школазы вылэм ни. Отын ньыль классозь дышетӥзы. Ужазы кык дышетӥсьёс. Н.П. Ложкин тазьы тодаз вае со аръёсты: - Школае мон мынӥ 1924 арын. Таты ник дышетскем вылэм атае но. Удмурт сямен дышетӥз Анастасия Афанасьевна Крылова, њеч сямо, каньыл адями. Со шуятӥз милесьтым сюлэмъёсмес, тодон-валан басьтонын МУР пытьы кельтӥз. Нош егитъёслы шутэтскон инты ӧй вал. Ӝытъёсы котькыӵе куазен люкаськылӥм гурт пуме, эктылӥм-кырњаллям, пӧртэм шудонъёсын шудылӥм. Гурт калык ёрмысагес улӥз. Пӧлаз вал узыръёсызгес но. Соос пӧлын Решетниковъёслэн, Карачевъёслэн, Пономаревъёслэн, Санниковъёслэн семъяоссы. Решетников возиз тямыс вал, мынӥсь-ветлисьёслы инты. Волостной управлениын писарь луыса ужакуз, огпол со, Пичи учаысь узыръёсты сектаса, кык ведра винаен басьтэм соослэсь Бобинка шур котырысь музъемъёссэс. Отчы вуко пуктэм.

Карачевлэн кык коркаез вал. Огзэ вина вузанъя лавка кариз. Но тужгес но бадњым барыш сётӥз вӧй шукконэз. Мукетъёсыз но узырмизы, лавка яке мукет уж удыс возьыса. Собере гуртлэн интыез но вузчиос понна туж умой вал: интыяськемы Можгае но Пичи Пургае мынон сюрес вылын. Куддыръя базар но та селоын ортчытъязы.

Советской власть вуыса, улон трослы воштӥськиз. Карачевлэсь огзэ корказэ сётӥзы школа-интернатлы, мукетызлэсь Пичи Пургаын связья уездлы контора пуктӥзы. Пономаревлэсь но корказэ школалы висъязы. Гуртын нырысь-валысь кылдытӥзы «Кредитной товарищество». Со крестьянъёслы мылысь-кыдысь юрттыны тыршылӥз музъемез гырон-кизён ласянь, ёрмисьёсызлы кидыс, вал, ужан тӥрлык висъялляз. 1925 арын таиз интые кылдӥз вылез, музъемен ужанъя товарищество. Куинь ар ортчыса, сое воштӥз крестьянской комитет. Сомында амалъёсты эскериз калык, коллективизация вуытозь.

1929 арын гуртлэн вырйыл улӥсьёс огазеяськизы «Боевик» колхозэ, шур сьӧрисьёсыз – «Ударнике». Но нырысь нуналъёсаз ик калык пӧлын керетон ӝутскиз. Уката но огазеямзы ӧз яра огшоры улӥсь семьяослы. Огъя кыл шедьтыны быгатымтэенызы, та ары ник сӥзьыл «Ударник» куашказ. «Боевике» но дасо пала куанер семъяос гинэ кылизы на. Лэсьтэм янгышъёсты чакласа, 1930 арын данакез крестьян хозяйствоос нош ик ас мылкыд каремзыя колхозэ пыризы. Куинь ар ортчыса, кыкысь кылдытэмын вал одӥг «Боевик» колхоз. Солы председателе бырйизы М.В. Мошкинэз. Кема ик ужаса ӧз вуы, узыръёслэн гыжкалъёссы колхозлэсь кивалтӥсьссэ визы. Но выль улон лэсьтӥсьёсты ӧз кышкатэ. Та учыр бергес ик хозяйствозы эшшо будӥз на, Николаевский хуторын улӥсьёс чотын. Колхоззылы бырем председательзылэсь нимзэ сётӥзы. 1950 аран сельхозартельзы эшшо одӥг бадњым воштӥськонэз адњиз на: Арлянысь «Безбожник», Чекалкиноысь «Красный яр», Песьтэрысь «Правда» но Абдэс-Урдэсысь «Красная звезда» колхозъёсын ӵош огазеяськизы «Красная звезда» колхозэ.

Табере ваньмыз со – кемалась ортчем сюрес, историлэн ог люкетэз. Егитъёс тодо та сярысь мӧйыослэн верамъёссыя, книгаосъя. Селомылэсь улэм-вылэмзэ, будэмзэ тодыны юртто ожысь но ужысь ветеранъёс Алексей Яковлевич Яковлев, Николай Васильевич Ложкин, Семен Федорович Федоров, Николай Кузмич Пупыдов но мукетъёсыз. Соослэн верамъёссыя син азямы яркытгес пуксе селомылэн вашкала улонэз, отын улэм калыкез.

 М.Спиридонов. Пичи Пурга ёрос// "Советская Удмуртия" 1989г., №263

Ваша учётная запись будет переименована

Здравствуйте!

В рамках мероприятий, направленных на улучшение работы пользователей и предоставление им новых инструментов (например, межпроектных уведомлений), команда разработчиков Викимедиа внесла изменения в принципы работы учётных записей. В результате этих изменений у вас будет одинаковое имя учётной записи во всех проектах. Это позволит предоставить вам новые возможности, которые улучшат процессы редактирования и обсуждения, а также обеспечат более гибкий доступ к инструментарию. Один из побочных эффектов заключается в том, что все учётные записи должны быть уникальными во всех 900 вики-проектах. Более подробно см. в объявлении.

К сожалению, ваша учётная запись конфликтует с другой учётной записью, которая также имеет имя Камали. Для того, чтобы вы и далее могли одновременно принимать участие в проектах Викимедиа, мы собираемся переименовать вашу учётную запись в Камали~udmwiki. Это переименование будет выполнено в апреле 2015 года, одновременно с переименованием ряда других учётных записей. Если вы считаете, что все учётные записи с этим именем могли принадлежать вам, и это сообщение ошибочно, пожалуйста, посетите Служебная:Объединение_учётных_записей, чтобы проверить и закрепить их за собой в целях предотвращения переименования.

Ваша учётная запись будут работать как и прежде, с сохранением истории прошлых правок. Однако при очередном входе в систему вы должны будете использовать новое имя своей учётной записи. Если оно вам не нравится, вы можете запросить переименование.

Приношу извинения за доставленные неудобства.

Yours,
Keegan Peterzell
Community Liaison, Wikimedia Foundation

08:40, 20 южтолэзе 2015 (UTC)

Учётная запись переименована

Эта учётная запись была переименована в рамках финальной стадии процесса перехода на единую учётную запись. Если она принадлежит вам, можете войти в систему с использованием старого имени пользователя и пароля для получения дополнительных сведений. Если вам не нравится новое имя учётной записи, то после входа в систему вы можете выбрать другое при помощи формы Панель:Запрос на глобальное переименование. -- Keegan (WMF) (talk)

04:43, 17 оштолэзе 2015 (UTC)