Воткалэн гербез

Воткалэн гербез — геральдика правилоосъя суредам тодман пус, Удмуртиысь Вотка городлэн валтӥсь символэз. 26-тӥ апреле 2006-тӥ арын Вотка Кар Думалэн ньылетӥ ӧтчамезлэн VIII сессияз депутатъёс кутӥзы Вотка городлэсь гербзэ.

Описаниез

Вотка городлэн гербез вылӥысен улӥе кыклы люкемын. Одӥг палыз — лызалэс-чагыр, мукет палыз - гордалэс-курень. Соослэн шоразы интыяськемын бадӟым азвесь якорь. Йылаз интыяськемын лавр тугоколэсь эгес. Со пыр лопыръяськыса кадь кошке сьӧд, зарни но азвесь буёло канат. Герблэн паллян палаз пуксемын зарни кларион, бур палаз — гарпунлэн йылыз, вылӥаз - корона.

Та арбериос юнме шорысь гербе ӧз шеде. Кылсярысь, якорь возьматэ, Вотка палъёс вашкала дырысен кортэз ӵыжатӥзы, солэсь пӧртэм тӥрлыкъёс лэсьязы шуыса. Ӵапак та удыс ик данэ поттӥз Вотка городэз. Канат возьматэ якорез, кудзэ заводын ужасьёс дасязы вуоно императорен Александр II-ен ӵош.

Гербысь крезьгур тӥрлык — кларион — Воткаын туала улӥсьёслэн тодазы вайытэ: татын вордӥськиз быдэс дуннелы тодмо, дано крезьгурчи Пётр Ильич Чайковский. Гарпунлэн йылыз но отчы токма шедемын ӧвӧл. Со возьматэ, та городын ракета поттон туж умой радъямын вал шуыса.

Озьы ик учке

• Воткалэн флагез

Чӧлсконъёс

• Д. М. Сахарных. Герб Воткинска (ӟуч)