Вотка

Википедиысь материал
Кар
Вотка
Флаг Герб
Флаг Герб
57°03′ с. ш. 54°00′ в. д.HGЯO
Кун Россия
Историез но географиез
Кылдэм дырыз 1759
Площадез 112,18 км²
Шоринтылэн ӝуждалаез 108 метр
Улӥсез
Улӥсез
Плотностез 874,79 чел./км²
Лыдпусо тодметъёс
Телефон кодэз +7 34145
Почта интыпусэз 427430–427459

Шаблон:URL
Показать/скрыть карты
Вотка на карте
Вотка
Вотка
Логотип Викисклада Медиафайлы на Викискладе

Вотка (ӟуч Воткинск) — Удмуртилэн шунды ӝужан палаз интыяськем кар, Вотка ёрослэн центрез. Луэ элькун статусъем кар[2], соин ик ёрослэн составаз уг пыры.

Историез[Тупатыны | бамлэсь кодзэ тупатоно]

Вотка карлэн кылдэмез герӟаськемын ӟуч императрицаен Елизавета Петровнаен. 1757-тӥ арын со поттӥз Указ: Вотка шур дурын ӝутоно корт ӵыжатонъя завод. Лэсьтӥськонъя кыл кутӥсе юнматӥзы граф П. Шуваловез. Озьы 21-тӥ сентябре 1759-тӥ арын завод гижысь-пиньысь ужзэ мытӥз. Нырысетӥ нуналаз ик быдэсъяны кутскиз кун ласянь тужгес кулэ луись заказъёсты. Заводын макем огсыр ужъёс мынӥзы, сокем ӝог паськытаз та инты.

1831-тӥ арын заводлэн администрациез кивалтӥсьёслэсь куриз: Вотка заводэз но со котырез город нимано. Но воткаослэсь малпанзэс умоен ӧз лыдъялэ — быдэс даур ӵоже та интыез Вотка завод ик шуылӥзы на.

20-тӥ августэ 1935-тӥ арын Вотка черкогуртэз каризы город. Со пыриз Киров улос исполкомлэн Вотка горсоветаз. 22-тӥ октябре 1937-тӥ арын сое юнматӥзы Удмурт АССР-е.

Географи интыяськемез[Тупатыны | бамлэсь кодзэ тупатоно]

Вотка кар — Вотка ёрослэн шорсюлмыз. Ижен виссы — 62 километр, Мускоен — 1 сюрс 191 километр. Городлэн огъя площадез 112,18 квадратной километр.

Город сылэ Вотка тымет дурын. Тымет кылдӥз, Идӟи, Берёзовка но Шаркан шуръёсты огазеяса. Туннэ тыметлэн быдӟалаез 18 квадратной километр, Удмуртиысь тужгес бадӟымез луэ.

Ёросъёсыз[Тупатыны | бамлэсь кодзэ тупатоно]

Воткаысь ёросъёс

Кар люкиське укмыс улоно ёрослы:

  • Берёзовка
  • Центральной
  • Восточной
  • Привокзальной
  • Плодопитомник
  • Заречной
  • Южной
  • Сельхозхимия
  • Вогулка


Улӥсьёсыз[Тупатыны | бамлэсь кодзэ тупатоно]

2009-тӥ арын лыдъян-чотанэз эскероно ке, Воткинскын 96 сюрс 936 улӥсез. Со пӧлысь ужась калык — 60 сюрс 990. Отын уло ӟучъёс — 78,7 %, удмуртъёс — 8,5 %, бигеръёс — 3,2 %.

Кивалтӥсьёсыз[Тупатыны | бамлэсь кодзэ тупатоно]

Кар йыръёс:
  • 1994—2002 — Валерий Леонидович Фридрих;
  • 2005—2010 — Александр Владимирович Кузнецов;
  • 2010—2011 — Владимир Григорьевич Ушатиков;
  • 2012—2018 — Владимир Михайлович Перевозчиков;
  • 2018 арысен — Алексей Владимирович Заметаев.

Экономикаез[Тупатыны | бамлэсь кодзэ тупатоно]

Вотка кар аспӧртэмлыко интыын сылэ — Ижез герӟа Шаркан, Дэбес ёросъёсын, Удмурт Республикаез — Пермь улосэн. Та городэтӥ ик ортче Пермь — Кузон — Нижний Новгород газопровод. Ваньмыз-ӧвӧлэз 980 предприятиез вань, отын тырше 42 сюрслэсь трос адями. Татын пӧртэм удысъёс азинско ке но (сиён-юон поттонъя промышленность — 9,8 %, лэсьтӥськонын кутӥськись материалъёсты дасянъя промышленность — 0,8 %) валтӥсь интыын — машина поттон, корт ӵыжатон (85 %). Вотка завод городлэн экономикаяз бадӟым инты басьтэ.

Транспорт[Тупатыны | бамлэсь кодзэ тупатоно]

Городын ужа 14 автобус маршрут. Карлэн шораз автовокзал сылэ, отысь автобусъёс бускель каръёсы но черкогуртъёсы нуналлы быдэ ветлыло. Воткалэн лымшор палаз Кузон вокзал вань — Ижысь шунды ӝужан пала мынӥсь чугун сюреслэн пумысь станциез.

Валэктонъёс[Тупатыны | бамлэсь кодзэ тупатоно]

Чӧлсконъёс[Тупатыны | бамлэсь кодзэ тупатоно]