Иворъёс:2008-12-01

Википедиысь материал
Перейти к навигации Перейти к поиску
01.12.2008

«Выль Индакарез» вылӥ дунъязы

Ижысь историклы, «Иднакар» журналэз поттӥсьлы, профессор Алексей Коробейниковлы Россиысь наукаосъя академия сётӥз данъян грамота. Мар понна? «Выль Иднакар» шуыса нимам книгаез понна. Со книгаын проф. Коробейников пыр-поч эскере вашкала гуӵинъёсын кылем арбериосъя но пытьыосъя адямиослэсь азьвыл кызьы-мар улэмзэс усьтон амалъёс, ӵектэ соосты туала наукалэн куронъёсъя радъяны. Уно саклык висъямын Удмуртилэн уйпалаз интыяськем вашкала Иднакарлы — шоретӥ дауръёсысь юн крепостьлы, улосмылэн археологи монументъёсыз пӧлысь тужгес синйылтымонэзлы. Таӵе книга туж кулэ луоз археологлы но, со периодъя ужась историклы но. Данъян грамота улэ кизэс нюртӥллям академилэн президентэз Юрий Осипов но Россилэн историезъя институлэн директорез Андрей Сахаров. Ижысь учёнойлэсь ужзэ Россиысь наукаосъя академилэн кивалтӥсьёсызлэн санэ каремзы туж шумпоттэ.

Чӧлсконъёс