Иворъёс:2008-12-08
08.12.2008
Улонысь кошкиз Константин Климов
8-тӥ декабре Ижын дырызлэсь вазь улонысь кошкиз тодмо искусствовед, искусствоведени наукаосъя доктор Константин Михайлович Климов. Константин Климов кема аръёс ӵоже ужаз удмурт калык искусствоез эскерон бордын. Уно статьяос сяна, со гожтӥз ньыль бадӟымос альбомъёс-монографиос: «Удмуртское народное ткачество» (1979), «Удмуртское народное искусство» (1988), «Традиционное декоративное искусство удмуртов» (1994), «Ансамбль как образная система в удмуртском народном искусстве ХIХ-ХХ вв.» (1999). Удмурт кун университетлэн ужам профессор Климовлэн нимыз тодмо Удмуртиын гинэ ӧвӧл, шаермылэн палэназ но.