Инвожо (ансамбль, Уддяди)
Инвожо — Кияса ёросысь Уддяди гуртысь фольклор ансамбль.
Историез
[Тупатыны | бамлэсь кодзэ тупатоно]Кылдэмын со 1986-тӥ арын клубын ужасьёслэн но гурт калыклэн мылкыд каремезъя.
Коллективез
[Тупатыны | бамлэсь кодзэ тупатоно]«Инвожо»-лэн коллективез ялан вошъяське. Азьвыл отчы мыло-кыдо егитъёс но ветлӥллям, нош али 45-75-аресъем гурт калык гинэ на (тросгес кышномуртъёс). Лыдыз но пӧртэм луэ. Туннэ нуналлы отын дас вить пала кырӟасьёсыз.
Кивалтӥсьёсыз
[Тупатыны | бамлэсь кодзэ тупатоно]Кивалтӥсьёсыз та коллективлэн кык кузя, шуыны луоз. Со Уддяди шутэтскон юртлэн кивалтӥсез, усто арганчи Николай Иванович Смирнов, нош 2001-тӥ арысен — Кияса ёросысь тодмо ужась Надежда Викторовна Пахомова но.
Концертъёсы потан
[Тупатыны | бамлэсь кодзэ тупатоно]2007-тӥ арын коллектив котыртӥз Башкортостанысь кӧня ке городъёсыз. Озьы ик «Инвожоос» вал Эстониын, 2006-тӥ арын — Латвиын, нош азьлогес ни Финляндие но вуылӥзы. 2011-тӥ арын коллектив быгатонлыкъёссэ «Минута славы» проектын возьматӥз, Удмуртилэсь данзэ Мускоын утиз.
Вормонъёсыз
[Тупатыны | бамлэсь кодзэ тупатоно]Ансамбль пусъемын пӧртэм данъянъёсын. Куд-огез соос пӧлысь:
- Россиысь но Удмуртиысь лулчеберетъя министерствоослэсь Поволжьеысь но Приуральеысь фин-угор «Воршуд» фестивальын вормонъёссы понна диплом (2002)
- 2003-тӥ арын 31-тӥ толшоре ансамбль ӟуч кырӟанъёсъя «Родные напевы» фестивальын лауреатлэсь дипломзэ басьтӥз "Фольклор кырӟан" номинациын
- 2007-тӥ арын 24-тӥ шуркынмонэ Кияса ёросысь Первомай черкогуртын пусъемын дипломен удмурт культураез чакламзы, утемзы но азинтэмзы понна но ёросын ортчем «Хоровод дружбы» фестивале мыло-кыдо пыриськемзы понна, кудӥз сӥземын вал Удмуртилэн Россие пыремез дырысен 450 ар тырмонлы.