Кельмаков, Валей Кельмакович

Википедиысь материал
Кельмаков Валей Кельмакович

Вале́й Кельмако́вич Кельмако́в — тодмо удмурт кылчи. Вордскемын 1942 аре 14 толшоре Бигер шаерын, Кукмор ёросысь Тыло (Верхняя Юмья) гуртын. Кылтодон (филология) наукаосъя доктор (1993), профессор (1996). Удмурт кун университетысь огъя но финн-угор кылтодонъя кафедралэн кивалтӥсез. 1991-тӥ арын пусъемын УАССР-ысь наука удысысь дано ужась нимын, нош 1993-тӥ арын – Россия Федерациысь наука удысысь дано ужась нимын. Валей Кельмакович 1990-тӥ арысен мыло-кыдо пыриське Финно-угроведъёслэн калыккуспо огазеяськонзылэн ужаз, озьы ик 1994-тӥ арысен Финляндиысь финн-угор калыккуспо обществое пыре.

Наукае кыстӥськон сюресэз[Тупатыны | бамлэсь кодзэ тупатоно]

1964-тӥ арын Валей Кельмаков йылпумъяз Удмурт кун университетысь (соку УГПИ) филология факультетэз. Со бӧрсьы ужаны интыяськиз УдНИИ-е, тыршиз научной сотрудник луыса. 1971-тӥ арын берытскиз УГПИ-е (УдГУ-э), отын со тыршиз удмурт но финн-угор кылтодонъя кафедраын, 1983-тӥ-1989-тӥ аръёсы Валей Кельмакович та кафедраен кивалтӥз. 1995-тӥ арысен кивалтэ огъя но фин-угор кылтодонъя кафедраен. 1992-тӥ-1994-тӥ аръёсы Финляндиын удмурт кыллы дышетӥз.

Ужъёсыз[Тупатыны | бамлэсь кодзэ тупатоно]

В.К. Кельмаков — 300-лэсь ятыр кылтодос ужъёслэн авторзы луэ. Соос сӥземын кылтодонлы, диалектологилы, исторической фонетикалы но морфологилы. В. Кельмаковлэн кичӧлтэмезъя ортчытэмын перм кылъёслы сӥзем семинаръёс. Солэн юрттэмезъя но эскеремезъя поттэмын "Пермистика" сериысь даслэсь уно сборникъёс. Валентин Кельмакович тыршемъя потӥз "Удмурт вераськетъёс" - "Удмуртские диалекты" сериысь книгаос. Кылчи пыриськиз ономастикая, озьы ик финн-угор кылтодонъя но удмурт кылтодонлэн историезъя курсъёсты дасянэ. В. К. Кельмаков мыло-кыдо пыриськиз Дуннеысь финно-угроведъёслэн калыккуспо конгрессазы: Таллин (1970-тӥ ар), Будапешт (1975-тӥ ар), Турку (1980-тӥ ар), Сыктывкар (1985-тӥ), Дебрецен (1990-тӥ), Ювяскюля (1995-тӥ ар).

Сочинениосыз[Тупатыны | бамлэсь кодзэ тупатоно]

  • Образцы удмуртской речи
  • Северное наречие и срединные говоры. Ижевск, 1981
  • Срединные говоры. Ижевск, 1990
  • Формирование и развитие фонетики удмуртских диалектов. Ижевск, 1993
  • Краткий курс удмуртской диалектологии. Ижевск, 1998.

Ӧшмӧсъяс[Тупатыны | бамлэсь кодзэ тупатоно]