Лекомцев, Владислав Алексеевич

Википедиысь материал
Перейти к навигации Перейти к поиску
Владислав Алексеевич Лекомцев
Портрет
Ужъёсыз:

лыжный гонщик[d] но биатлонист[d]

Вордӥськон нуналэз:

8-тӥ толсуре 1994({{padleft:1994|4|0}}-{{padleft:12|2|0}}-{{padleft:8|2|0}}) (23 ар)

Вордӥськон интыез:

Ромашкино[d], Удмуртия

Кун:

Flag of Russia.svg Россия

Владислав Алексеевич Лекомцев Викискладын

Лекомцев, Владислав Алексеевич (вордскиз 8-тӥ толсуре 1994-тӥ арын, Блатгурт, Алнаш ёрос) — Россиысь спортсмен, сиё-дано мастер. 2014-тӥ арын Сочиын ортчем Паралимпийской шудонъёслэн куасэн бызьылонын кык полэс чемпион, куинь полэс бронзовой призёр.

Улон сюресэз[Тупатыны | вики-текстэз тупатыны]

Владислав Лекомцев вордӥськемын но будэмын Алнаш ёросысь Блатгуртын, йылпумъяз Алнаш шор ёзо школаез, али Удмурт кун университетын психологлы дышетске.

2015-тӥ арын В. Лекомцевлэн туспуктэмез Удмурт Элькунысьтымы Данъян пул вылын юнматэмын. Кызьы верало Блатгуртын улӥсьёс, Вдадислав пичи дырысеныз ик спортэн эшъяськиз. Ёрос чошатсконъёсы пыриськылӥз, отын Алнаш школалэсь данзэ утьылӥз. Но 2007-тӥ арын пияш шудтэм учыре шедиз. Кутскиз больницаостӥ ветлон, выль сямен улыны дышетскон, нуналмысь нуналме астэ вормон. Вань та шуг-секытэз семья чидаз-вормиз.

Огпол Владиславлэн анаез радио пыр кылӥз Виктор Кузнецовлэсь, Удмуртиысь инвалид спортсменъёслэн огазеяськонэнызы кивалтӥсьлэсь, вераськемзэ. Со бордысен ик кутскиз Владлэн улонэзлэн выль ӧрез. Пияш спортэ берытскиз. Котькуд нунал ас азяз чурыт куронъёс пуктыны быгатэменыз, Владислав бадӟым вормонъёс басьтӥз. Владислав Лекомцевлэн Сочиын ортчем Олимпиада улоназ нырысетӥез луиз, со, отчы пыриськыса, 5 медаль вайиз. Сочиын ортчем Олимпиада бере, Владиславлэсь нимзэ быдэс дунне тодӥз. Со сяна, Влад трос пол пыриськиз ни Дуннелэн чемпионатаз, отын но медальёс утӥз.