Луонлык сям (условной наклонение)

Википедиысь материал
Перейти к навигации Перейти к поиску
Луонлык сям возьматэ действилэсь кыӵе ке условиын ортчемзэ/ортчымтэзэ яке маке карыны мылкыд каремез/карымтэез. Луонлык категория пӧрме каронкыллэн кылдӥнез борды -сал кылӥтэт ватсаса, тазьы: гожъя – гожъя-сал, вера – вера-сал, мыны – мын-ысал яке мын-сал, юы – юы-сал яке ю-сал.
Одиӥг лыдын 2-тӥ ‒ 3-тӥ муртэз но трос лыдын куиньнаяз ик муртэз возьматон дыръя -сал кылӥтэт борды ватсасько на муртэз возьматӥсь кылӥтэтъёс: мон гожъя-сал-ым, тон гожъя-сал/гожъя-сал-ыд, со гожъя-сал/гожъя-сал-ыз, ми гожъя-сал-мы, тӥ гожъя-сал-ды, соос гожъя-сал-зы.
Муртэз возьматӥсь кылӥтэтъёс тазьы ик ватсасько ӧвӧлтӥсь (отрицаниен) каронкылъёс борды. Ивортон сям формаен ӵошатыса, пӧртэмез со гинэ: луонлык сям формаен каронкыллэн отрицаниез возьматӥсь ӧй кылсьӧрез муртъёсъя уг вошъяськы:
  1. :1 м. ӧй пукы-сал
  2. :2м. ӧй пукы-сал(-ыд)
  3. :3 м. ӧй пукы-сал(-ыз)


  1. 1 м. ӧй пукы-сал-мы
  2. 2 м. ӧй пукы-сал-ды
  3. 3 м. ӧй пукы-сал-зы
Луонлык сямен каронкылёслэн ӧвӧл дыр формазы. Ортче-а действие али, вуоно яке ортчем дырын, луонлык сямен каронкылъёс котьку -сал но муртэз возьматӥсь кылӥтэтъёсын гинэ верасько: Маин мон юртом солы? – Самой со электростанциосыныд ик юрттысалыд, - озьы ик керӟегъяськытэк вераз Олексан.
Луонлык сямен каронкылъёс кутӥськыны быгато вал, вылэм кылсьӧръёсын но. Та кылсьӧръёсын ӵош верам сямкылъёс ортчем дырез уг возьмато, веранын соос пумисько луонлык формаен верам каронкыллэн действиезлэсь условизэ возьматон понна, яке малы ке оскыса, оскытэкгес, яке маке карыны мылкыдаса верамез: Оломалы со дыртӥз гуртаз кошкыны, татын но уж шедьтысал вал. Миколай солэсь урдлыоссэ тӥясал вылэм ини – судэ сётоз, шай люкет.
Луонлык сямен каронкылъёс возьмато:
а) азьланяз луоно/ортчоно действилэн быдэсмемезлы юн оскыса яке оскытэкгес верамез: Ох, пие, пие, дуннеын ваньмыз ик валамон луысал ке… Оло, ветлод ик-а? Архип Архипович но шумпотысал.
б) действилэн ортчонэзлэсь условизэ: Öй ке пумиськысалмы, адями оло, зэмзэ но кырӟась луысал, актриса. Малпанъёсыз быдэсмысалзы, шудо луысал.
в) мылкыдаса верам действиез: Лыктэмды сярысь малы ивор ӧд сётэ, мон умойгес дасяськысал, ачим пумитаны мынысал.
г) азьланяз ортчыны/лэсьтыны малпам действиез: Öй тупа соку, дор пала бертэм вал, а то возьматысал мон солы.
д) ортчымтэ действилэн азьланьын ортчонэзлы/луонэзлы оскыса верамез: Берло ини поннам тазьы но малпай: а ведь пинал луонме вазьгес тодысал ке, мынэсьтым «куиньме» со чик могатэк «кык» карысал. Отӥяз, ма, пичиен-калленэн буйгасал ай, дыр, но конференциын вераськыны косӥзы на.'

'

Куддыръя луонлык сямен каронкылъёс кинлы ке дӥсьтытэкгес гинэ, кепырасагес, мае ке юаса вазиськемез возьмато: Öй шедьтысалыд меда тон мукет председательёслэн ужан опытсы сярысь гожъям книгаос.
Луонлык сямен каронкылъёс ӵемысь кутӥсько кушето улэтсам веранъёсын. Сыӵе веранъёсын нырысетӥ луонлык сямен верам каронкыл действилэсь условизэ возьматэ, кыкетӥез – действилэн ортчемезлы оскыса верамез: Солэн малпамезъя, ваньмыз огкылысь кариськыса тыршысалзы ке, таӵе югдур ноку но ӧй луысал.

(Тараканов И. В. Тала удмурт кыл: Каронкыллэн сям но дыр категориосыз).