Лыткин, Василий Ильич

Василий Ильич Лыткин
Ужан удысэз:	кылбурчи, нылпиослы гожъяськись, берыктӥсь но лингвист
Вордӥськем нуналыз:	15‑тӥ (27-тӥ) толсуре 1895 или 1895
Вордӥськем интыез:	Тентюково, Усть-Сысольский уезд, Вологодская губерния, Российской империя
Кун:	Российской империя  РСФСР  СССР
Кулон нуналыз:	27-тӥ гудырикошконэ 1981({{padleft:1981|4|0}}-{{padleft:8|2|0}}-{{padleft:27|2|0}}) или 1981
Кулон интыез:	Муско, РСФСР, СССР

Василий Ильич Лыткин (псевдонимъёсыз Лыткин Илля Василей, Илля Вась) — коми поэт, лингвист, финно-угровед, кылысь кылэ берыктӥсь, филология наукаосъя доктор. Пусъемын Коми АССР-лэн Куратов нимо кун премиеныз, РСФСР-ысь, Коми АССР-ысь наука но техника удысысь дано ужась, 1969-тӥ арын Илля Вась пусъемын Наукаосъя фин академилэн академикез нимын.

Улон сюресэз

Василий Лыткин вордӥськиз 1895-тӥ арын Коми шаерысь Усть-Сысольск ёросысь Тентюково черкогуртын. Тодон-валан люказ Усть-Сысольскысь училищеын, нош бӧрысь - Дышетӥсьёсты дасянъя Тотемской семинариын. Дышетскон висказ гожъяны ӧдъяз кылбуръёс. Соос нырысьсэ печатласькизы 1918-тӥ арын. Дышетсконзэ йылпумъямез бере Василиез ысто службазэ ортчыны. Со пыриське Дуннеысь нырысетӥ оже но Граждан войнае. Ож сюрессэ йылпумъяса, Василий Лыткин басьтӥське дышетсконзэ азинтон борды. Со пыре Москваысь кун университетлэн филологияя факультетаз. 1925-тӥ арын сое йылпумъя но дышетсконзэ аспирантураын азьланьтэ. 1927-тӥ арын сое Будапештысь университетын пусъё философияя доктор степенен.

1930-тӥ-1933-тӥ аръёсы Василий Лыткин тыршиз Москваысь кун университетын, мыло-кыдо пыриськиз 1932-тӥ арын усьтӥськем Коми пединститутлэн ужаз, студентъёсты пӧртэм удысъя дышетӥз. 1933-тӥ арын со пытсэт сьӧры сюриз, сое пӧртэм уж быдэсъяны келязы Дальней Востокысь лагере. 1956-тӥ арын со реабилитация улэ сюриз. 1946-тӥ арын «Древнепермский язык историческая грамматика» ужез понна пусъемын филологияя наукаосъя доктор степенен. В. И. Лыткин 10 ар ӵоже кивалтӥз СССР-ысь Наукаосъя Академилэн Языкознаниея институтэзлэн финн-угор кылъёсъя ёзэныз. 1958-тӥ арысен В. И. Лыткин СССР-ысь Писательёслэн огазеяськонзылэн ёзчиез. Наукая ужъёсыз сӥземын вашкала перм кылъёслы, коми кыллэсь кылдэмзэ но туала перм кылъёслэн вераськетъёссэс (диалектъёссэс) эскеронлы.

Творчествоез

В. И. Лыткин - 11 монографиослэн но 300 наукая статьяослэн авторзы. Соос пӧлын:

• Коми писатели. - М.:1926-тӥ ар.
• Очерки фонетики коми языка. - М.:1929-тӥ ар.
• Кывбуръяс. - Сыктывкар: 1929-тӥ ар.
• Древнепермский язык: чтение текстов, грамматика, словарь. - М.: Изд-во АН СССР, 1952-тӥ ар. - 176 с. - 1700 экз.
• Шонди петігӧн. - Сыктывкар: 1959-тӥ ар.
• Коми-язьвинский диалект. - М.: Государственное издательство иностранных и национальных словарей, 1961-тӥ ар. - 924 с. - 11000 экз.
• Исторический вокализм пермских языков. - М.: 1964-тӥ ар.

В. И. Лыткин - революцилы сӥзем кылбуръёслэн авторзы. Кылсярысь, «Великое утро», «Первое мая», «Осенью», озьы ик гожъяз Граждан ожлы сӥзем веросъёс но пичиослы чаклам выжыкылъёс но мукет. 1927-тӥ арын йылпумъяз «Идут» поэмазэ гожтонзэ. Со сӥземын Коми шаерысь граждан оже пыриськемъёслы - геройёслы. Коми кылэ берыктӥз А. Пушкинлэсь, Ф. Тютчевлэсь, Ш. Петёфилэсь, В. Маяковскийлэсь ужъёссэс.